2 TAWARIKH 19:6 - KITAB NU TUMPU ALLA LELE MA'IMAI'

⁶ ka' mombee'i palentah sumo uuka, hi aha, “Obau pande-pande na momputusi palakala kalana belemiu momputusi misa' pongka' oho' nu manusia panyo mongala pongka'oho' nu Tumpu. Ia na montoa belemiu de belemiu momputusimo palakala.

2 TAWARIKH 19:6 ပူးပေါင်းရင်းမြစ်များ

1 TAWARIKH 28:10

Potutugakon ima-ima' saba' Tumpu nompile'imo beleyum da mombau laigan anu samata-mata opake ponsomban Ia. Jadi uuka aiya baumo na aijo' ka' okinyonyoai ahi' totu-totu'u.”

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

SISIKON NU TO RASUL-RASUL 22:26

Nohongo aijo', suludadu aijo' namba hi kapala nu pasukan ka' notatae, “Apaa na kahanda' anu obaunto nu Kita Tuuma? Mian aiya layat nu negara Roma!”

SISIKON NU TO RASUL-RASUL 5:35

Lapas aitu ia notatae hi Mian Kopian Daka' nu Agama aijo', “To Utu-utus mian Israel! Tutugi ima-ima' mongkona apaa na anu obau nu to Utu-utus hi to mia-mian haha aiya.

PO'ULE' INGULIT 1:17

Koputusan boli mabuat sambiha'; iwi-iwi na mian tionyo oadini miu pokakana madi' mompine ihe na mian aijo. Boli mabuhuk pa ihe pe'e, saba keputusan anu ingala miu anu lengkat mae hi Tumpu Allah. Bisuannyo ko palakala talalo maboat hi belemiu, boamae hi belengku, da belengku na momputusi.

YOSUA 22:5

Ka' sabole-bole o inau' da belemiu saja' montuluti atulan anu pinalentahkonmo i Musa hi belemiu, aijo'mo kalibosi na Tumpu Allah nu belemiu, otuluti na pongka'oho'-Nyo, o hongo-hongo na palentah-Nyo iwi-iwi' boli panggagah hi Ia, ka' palesaya na Ia nu kinyonyoa totu-totu'u.”