2 TAWARIKH 19:2 - KITAB NU TUMPU ALLA LELE MA'IMAI'

² samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

2 TAWARIKH 19:2 ပူးပေါင်းရင်းမြစ်များ

1 TOMU-TOMUNDO' 16:1

Sahingga notataemo na Tumpu hi Nabi Yehu anak i Hanani, tukoo-Nyo, “Potokakon na potuunon-Ku aiya hi Baesa,

1 TOMU-TOMUNDO' 16:12

Susumo apaa na anu pinoto'imo nu Tumpu hi nabi Yehu mongkona i Baesa, iwi-iwi' na aha salaigan.

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

2 TAWARIKH 16:7

Tempo'nyo aitu i Nabi Hanani tinokamo hi Tomundo Asa ka' nompoto'i, “Kalana beleyum taha'imanmo hi tomundo Siria, ka' misa'mo hi Tumpu Allah nu beleyum. Jadi beleyum madi'mo moko ala mompatundu' suludadu nu Israel.

2 TAWARIKH 18:1

Salatan i Yosafat tomundo nu Yehuda kinayamo ka' tinalasanggomo, ia nompo'osoakonmo samian anu hi aha salaigan, tiba samian anu hi aha salaigan i Ahab tomundo nu Israel.

2 TAWARIKH 18:28

Lapas aijo' i Ahab tomundo Israel, tiba i Yosafat tomundo nu Yehuda nambamo nontumbuhi kota Ramot i da'erah Gilead.

2 TAWARIKH 18:3

Ia notatae, “Pa' belento mongka'oho' mamba tiba aku montumbuhi Ramot?” Tinaaman i Yosafat, “Timbali, suludadungku matigalumo tiba suludadu nu Belento. Kita mahampatemo hingga-hinggat.

2 TAWARIKH 18:7

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae hi belengku anu ma'ima'; saja' anu madi' ma'ima'.” “Hah, boli motatae sumo aijo'!” na koonyo i Yosafat.

2 TAWARIKH 19:1

Salatan i Yosafat tomundo nu Yehuda ninsusule'mo mae ima-ima' i laigan nu tomundo kajojoongannyo kiijo' i Yerusalem,

2 TAWARIKH 19:10

De to sanga-sangalu nu belemiu anu lengkat mae i kota sangga'at mongkalak hi belemiu palakala nompatei mian, nolanggaimo atulan nu agama kabai atulan nu pamalentah, belemiu tionyo ahi' mompokinde'i aha. Tiba jalan anu sumo aijo', aha madi'mo mohumpak kasala'an hi Tumpu, ka' Tumpu madi'mo montambuha'i beleyum, sumo aitumo mule' hi aha. Sabole-bole obau na palentah aiya da belemiu madi' mohumpak kasala'an.

2 TAWARIKH 20:34

Sisikon sangga'at mongkona i Yosafat, lengkat pe'e mae momonanyo sampe ia madi'mo nompalentah tinulismo i Tundulan mongkona i Yehu anak i Hanani anu tinulismo i kitab Sisikon nu to Tomu-tomundo Israel.

2 TAWARIKH 24:18

Sahingga mian da'isan madi'mo nonsombah Tumpu i Laigan nu Tumpu, Tumpu Allah mompolee' nu aha, panyo nonsombahmo pilogot ka' to pato-patong Pilogot boune Asyera. Dosa' nu aha aijo' nonsaduakonmo da Yoyada ka' Yerusalem tinambuha'anmo nu Tumpu.

2 TAWARIKH 26:18

ka' nontewamo apaa na anu binaunyomo aijo'. Aha notatae, “Kita Mian daka' Anu Tala sanggo! Kita Tomundo madi' ko hak mompapui kamangian osombahkon hi Tumpu. Aijo' kalaja nu to ima-imam lee' mae i Harun. Kalana ola ahi aha na samata-mata mombau kalaja aijo'. Pala'i na tampat aiya Tomundo kalana tampat aiya susi'! Kita Tomundo madi'mo mohongo-hongo Tumpu Allah, ka' madi'mo mae nusitujui nu Tumpu.”

2 TAWARIKH 32:25

Panyo kalana ia sinombongmo, ia madi'mo nontalima kase hi Tumpu kalana na'alinmo na ia. Kalana aitu tinambuha'anmo nu Tumpu na Yerusalem ka' Yehuda.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

MAZMUR 21:8

I tomundo' saja' hondo montaha'imani Tumpu Anu Matangkas na Kuasanyo ia saja' nukalibosi nu Tumpu kalana aijo' ia madi'mo ko anu saja' mompoposia.

MAZMUR 68:1

Anu mongkapalai panyanyi. Mazmur i Daud.

MAZMUR 71:15

Sansina-sinaa ku sisikakon apa-apaa na palabuatan nu Belento anu adin, ka' kasalamatan anu lengkat mae hi anu madi'-Mo opoko ala obilang.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

AMOS 7:14

I Amos nontaami, “Aku misa' nabi kalana pangkat. Sabenannyo aku ola mongkalesang potu'on ka' montipui bua'nyo nu ara.

YOHANES 15:18

“De dunia mongka'ideki komiu, o'inau' taalu' Aku polo'mo momoonanyo kina'idekan nu dunia.

YOHANES 15:23

Mian anu mongka'ideki mae Aku, mongka'ideki Tuumang-Ku.

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

ROMA 1:30

mongka'ima'i mombusi-busiki sanggo nu mian sangga'at; aha sombong ka' madi' ko adatnyo, anu mongka'ideki Tumpu, ka' mongka'ima'i monsisik anu madi' ko kaliangannyo. Aha pande molio hahan anu bu'ou da timbali mombau anu ma'idek. Aha madi' mompajuli tu'anyonyo;

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

PO'ULE' INGULIT 32:41

Ku boitmo na bajak-Ku anu jongki-jongkilaban, ka' mompojalanmo hukuman. Ku balosakon na sampobali'-Ku iwi-iwi' ka' Ku hukummo iwi-iwi' na anu mongka'ideki mae Aku.

PO'ULE' INGULIT 33:11

Tumpu, tulungiakon na tulunan nu bansa aiya da aha mahoson, de timbali da kita sanang na montoa kalaja nu aha. Pateiakon iwi-iwi' na sampobali' nu aha sahingga aha madi'mo daagi mongewa mae.”

PO'ULE' INGULIT 5:9

Boli monsombah patong anu sumo aijo' kalana Akumo na Tumpu Allah nu belemiu ka' madi' mongka'oho' opokakanakon tiba maumo pa' apaa. To mia-mian anu mongka'ideki Aku Ku hukum toka-toka i lee' anu ko totolu'nyo ka' ko opatnyo.

PO'ULE' INGULIT 7:10

Panyo madi' ko madi'nyo Ia sabole-bole mohukum aha anu mongka'ideki Ia.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

1 SAMUEL 9:9

“Sumo itina'mo!” Na tinaaman i Saul, “Imbo' kita mambamo.” Lantas aha nambamo i kota kajojoongan nu posaihon nu Tumpu Allah aijo'. Salatan aha nindakomo i bungkutnyo anu mompanjolongimo kota' aijo', siningkabotmo na aha tiba to pia-piangkuka na langkoyang anu mambamo montauk uee i bubung. Lantas pinokilawamo nu aha hi langkoyang anu mamba montauk uee i bubung. Lantas pinokilawamo nu aha hi langkoyang haha aijo', “Pa' ko anu monsubmu' montahi'i kiijo' i kota?” (Tempo'nyo aijo' samian na nabi osanggohi anu monsumbu' montahi'i, jadi de ko samian mongkahanda'i mompokilawa apa-apaa hi Tumpu Allah, ia motatae sumo uuka, “Imbo' da kita mamba hi mian anu monsumbu' montahi'i.”)