2 TAWARIKH 19:11 - KITAB NU TUMPU ALLA LELE MA'IMAI'

¹¹ I imam Daka' Amarya ku bee'imo kakuasa'an anu matangkas hondo mongulus palakala iwi-iwi' anu molanggaimo to atu-atulan nu agama. I Sabaya anak i Ismael gubolonun nu aha Yehuda ku bee'imo kakuasa'an anu matangkas hondo mongulus to pala-palakala sangga'at. To mia-mian nu Lewi montoa da iwi-iwi' na kaputusan nu aha mian kopian totu-totu'u obau. Obatuki iwi-iwi' apaa na anu pinoto'imo aiya ka' o ulus totu-totu'u boli bata-bata. O' amalakon da Tumpu saja' monsangalui mian anu mongulus adin!”

2 TAWARIKH 19:11 ပူးပေါင်းရင်းမြစ်များ

1 TAWARIKH 22:11

Lantas po'ule' pinoto'i i Daud, “Uuka aiya, anaku o' amalakon da Tumpu Allah nu beleyum saja' montulungi beleyum. Ka' O' amalakon na beleyum da moko ala mompotimbali laigan nu Tumpu anu obau aijo' susumo anu jinanji'-Nyomo.

1 TAWARIKH 22:16

mosoni', salaka, tambaga, ka' besak. Jadi sampamo lia-lia' otampu'uni! O'amalakon da Tumpu montulungi beleyum.”

1 TAWARIKH 22:19

Jadi tionyo ahi' belemiu palesaya ka' mohongo-hongo Tumpu Allah nu belemiu i uno nu kinyonyoa totu-totu'u ka' i uno nu kantumuu'an nu beleyum. Tampu'unimo na mombau laigan anu bau ponsomban Tumpu, da Peti' Palajanjian-Nyo ka' iwi-iwi' na pakakas sangga'at anu opake samata-mata de monsombahmo Tumpu, opo'una'mo i kiijo'.”

1 TAWARIKH 26:30

Iwi-iwi' na ulusan nu agama ka' ulusan nu pamalentahan anu i Israel sasu kinsoban baunyo nu Yordan binee' hi Hasabya, ka' hi aha 1.700 na julunyo mae: iwi-iwi' na to mia-mian anu toto tala-talasanggo lee' mae i Hebron.

1 TAWARIKH 26:32

Iwi-iwi' na ulusan nu agama ka' pamalentahan i Israel sasu kabete'an Kaunyo Yordan – aijo'mo da'erah tulunan nu aha bansa Ruben, Gad ka' sambagian tulunan mae nu bansa Manasye – binee'mo hi aha 2.700 na to tu'a-tu'anyo nu julu mae i Yeria, iwi-iwi' mian anu toto tala-talasanggo anu pinile'anmo i Tomundo' Daud.

1 TAWARIKH 28:20

Lapas aijo' i Tomundo' Daud notatae mule' hi Salomo anaknyo momo'ane, “Beleyum tionyo ahi' totu-totu'u na kinyonyoa ka' baani. Tampuunimo na kalaja ka' boli bata-bata maumo pa'apaa na o ahopi. Tumpu Allah anu ku ku sombah na montulungi beleyum. Ia madi' mompojohok beleyum. Ia saja' montoa kapalaluan nu beleyum sahingga iwi-iwi' na kalaja aijo' timbalimo, ka' madi'mo ko anu obau.

1 TAWARIKH 6:11

i Amarya, i Ahitub,

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 15:7

Panyo belemiu tionyo ahi' saban na kinyonyoa ka' baani ahi'. Apaa na anu nu usahakon aijo' mingkaliangan.”

2 TAWARIKH 19:6

ka' mombee'i palentah sumo uuka, hi aha, “Obau pande-pande na momputusi palakala kalana belemiu momputusi misa' pongka' oho' nu manusia panyo mongala pongka'oho' nu Tumpu. Ia na montoa belemiu de belemiu momputusimo palakala.

2 TAWARIKH 19:8

Ka' suele i Yerusalem, i Yosafat nohangkatmo to mia-mian kopian ingalanyo mae hi aha to mia-mian nu Lewi, to ima-imam ka' hi to mia-mian da'isan anu talasanggo. Ahamo na momputusi to pala-palakala anu madi montuluti Atulan nu Tumpu ka' palakala sangga'at.

EZRA 7:5

i Abisua i Pinehas i Eleazar i Imam Daka' Harun.

MAZMUR 112:5

Mohumpak ka'ima'an na mian anu manonong ka' sanang na monsaboli ka' madi' tageo' i uno nu iwi-iwi na ulusan.

MAZMUR 37:23

Tumpu montaka' mian ijalan anu nu jalani, Ia mompohoson mian anu kantumuu'annyo situju hi Ia.

AMSAL 2:20

Kalana aijo', o anakku, batukimo na sonto' nu mian anu talakana', ka' tumuu'mo mombatuki pongka'oho' nu Tumpu Allah.

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

LUKAS 23:50

Daagi' ko samian sanggonyo i Yusuf, anu nolengkatmae i kota Arimatea, i lipu' nu Yudea. Ia mian anu manonong anu o adati nu mian, ka' anu hau-haunyo montanda'i Tumpu montampu'unimo mompalentah salaku Tomundo. Mau mule' ia minsoop Mian Kopian Daka' nu Agama, ia madi' setuju tiba kaputusan ka' pikilan nu Mian Kopian Daka' aijo'.

SISIKON NU TO RASUL-RASUL 11:24

I Barnabas aiya mian anu ma'ima' na kinyonyoanyo ka' nukuasai nu Roh nu Tumpu tiba talalo palesaya hi Tumpu sahingga da'isan na mian nontulutimo Tumpu.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

YOSUA 1:6

Tionyo ahi' beleyum palesaya totu-totu'u ka' baani kalana beleyumo na molaya' bansa aiya de aha jojoongmo i lipu' anu jinanji'-Kumo hi mompolee' nu aha.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”