2 TAWARIKH 18:7 - KITAB NU TUMPU ALLA LELE MA'IMAI'

⁷ Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae hi belengku anu ma'ima'; saja' anu madi' ma'ima'.” “Hah, boli motatae sumo aijo'!” na koonyo i Yosafat.

2 TAWARIKH 18:7 ပူးပေါင်းရင်းမြစ်များ

1 TOMU-TOMUNDO' 18:17

Salatan tinoamo i Ahab na i Elia, i Ahab notataemo daka-daka', “Aiyamo na ia anu saja' monsaduakon da saja' painggaga na mian nu Israel!”

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

1 TOMU-TOMUNDO' 21:20

Salatan i Ahab nontoamo i Elia, ia notataemo, “Osampo bali', ahennyo beleyum nohumpakmo aku!” “Totu'u,” na koonyo i Elia. “Kalana Belento Tuan totu-totu'u ahi' na kinyonyoa nombau anu ma'idek hi mata nu Tumpu,

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

2 TOMU-TOMUNDO' 9:22

“Pa' Belento toka mae sumo salaku sangalu?” na koonyo i Yoram, hi Yehu. Tinaaman i Yehu, “Misa' sumo sangalu, de i aiya daagi' ko sando manjoo' ka' daagi' ko ponsomban pilogot anu tinampu'unanmo i Izebel tina nu beleyum aijo'?”

2 TAWARIKH 18:13

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na anu pinoto'imo nu Tumpu Allah hi belengku!”

2 TAWARIKH 18:6

Panyo po'ule' mule' pinokilawa i Yosafat, “Pa' aiya mae madi'mo ko nabi sangga'at anu timbali mompokilawakon kita hi Tumpu?”

2 TAWARIKH 18:8

Sahingga i lagamo i Ahab na mian anu ko pangkatnyo samian anu mokalaja i laigan nu tomundo lantas nompalentahmo ia da malia-lia' mamba mompoboa i Mikha.

MAZMUR 34:21

Butongnyo tataap nu jagai nu Tumpu, ka' bukunyo mau pe'e sa'angu' madi' ko anu opato'akon.

MAZMUR 55:3

Palahatikanakon mae na aku ka' taami mae na aku, aku silakamo nu kasusa'anku.

MAZMUR 69:14

Panyo aku binalado'amo hi Belento o, Tumpu, o, Tumpu taami mae na aku i sa'angu' na tempo anu ma'ima'. Tulungi mae na aku kalana kalibosan nu Belento anu daka' hondo, ka' kalana kanonongan nu Belento.

AMSAL 25:12

Pokinde' nu mian pande hi mian anu ka'oho' mohongo, sumomo sinsing mosoni kabai lawe-lawenyo mosoni'.

AMSAL 29:10

Mian anu madi'tageo' na kinyonyoanyo nuka'ideki nu mian anu ka'oho mompatei, panyo nusangaja'i nu mian anu manonong.

AMSAL 9:8

Boli mongalu miana nu madi' mongka'oho' opogulu', saidi' mae nu ka'idekimo na beleyum. Panyo de mian anu pande na nu poto'i na kasala'annyo nu akuimo na beleyum.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

AMOS 5:10

Belemiu mongka'ideki mian anu molawan mian anu madi' koka'adinan ka anu motatae madi' tageo' i uno nu pomputusian palakala.

MIKHA 2:7

Boli monsangka aha mian nu Israel nu kutukimo nu Tumpu! Tumpu madi' mombau hahan anu sumo aijo'. Ia madi' toho' ka' madi' nu bau na kasabanan-Nyo. Temisa' Ia na madi' ahi' motatae ko pesa-pesa hi to mia-mian anu mombau han anu totu'u?”

MARKUS 6:27

Jadi ia lau-laus nompalentah samian na posaihonnyo mongala ubak i Yohanes anu Mompalamandikan. Lantas suludadu aijo' namba i talungku' ka' ia nompolo ubak i Yohanes.

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

YOHANES 15:24

De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

YOHANES 7:7

Dunia aiya madi' toho' mongka'ideki komiu. Panyo Aku memang nu ka'ideki nu dunia, kalana Aku saja' montaloakon i dunia kalakuannyo aijo' ma'idek.

GALATIA 4:16

Te komiu uuka monganggapmo aku sumo sampo bali', kalana aku monsisikakonmo anu totu'u hi komiu?