2 TAWARIKH 18:31 - KITAB NU TUMPU ALLA LELE MA'IMAI'

³¹ Jadi salatan tinoamo nu aha na i tomundo Yosafat, koonyo nu aha iwi-iwi' aijo'mo na tomundo Israel. Kalana aijo' tinumbuhanmo nu aha na ia. Panyo i Yosafat nolobo'mo, lantas tinulunganmo nu Tumpu na ia, ka' madi'mo nontumbuhi aijo', panyo nongahopimo sangga'at.

2 TAWARIKH 18:31 ပူးပေါင်းရင်းမြစ်များ

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

2 TAWARIKH 13:14

Salatan gombuan nu suludadu nu aha Yehuda nontoamo taalu' aha tinikumo, aha noloboo'mo momoita tulung hi Tumpu. To ima-imam nompuhimo tolompet,

2 TAWARIKH 13:15

lantas gombuan nu suludadu nu aha Yehuda tinolo aismo bau pontipaha'i da mahampatemo, kinapalaan i Abia. Hau-haunyo aha lewa' nolo ais, Tumpu Allah nompatundu'mo i Yerobeam ka' gombuan nu suludadu nu aha Israel.

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 18:30

Tempo'nyo aitu to tale-talenga' nu suludadu sinumake' i kareta anu bau pahampate nu aha Siria pinalentahmo nu tomundo'nyo da anu otumbuhi ola samata-mata tomundo nu Israel.

2 TAWARIKH 18:32

Salatan to tale-talenga' nu suludadu Siria anu sinumake' i kareta anu pinake mae nu aha nahampate nonsumbu'mo taalu' aijo' misa' tomundo Israel, aha madi'mo nontumbuhi ia.

2 TAWARIKH 26:7

Tumpu Allah na nontulungi ia nompatundu' mian nu Filistin, ka' mian nu Arab anu jojoong i Gur-Baal ka' mian nu Meunim.

EZRA 1:1

Taun momonanyo salatan i Kores tomundo nu Persia nompalentahmo. Tumpu nombaumo apaa na anu pinoto'i-Nyomo hi Nabi Yeremia. Kinakeha'mo nu Tumpu na kinyonyoa i Kores da nombee'mo sulat palentah anu binasa'akonmo hi songko-songko na kalaja'an. Onyi'nyo sumo uuka:

EZRA 7:27

Lantas notataemo na i Ezra, “O puji' na Tumpu, Tumpu Allah anu sinombahmo nu mompolee'to! Ia nompotuka' mo hi kinyonyoa i tomundo sahingga ia kinokinyonyoamo mongulus Laigan nu Tumpu kiijo' i Yerusalem.

NEHEMIA 1:11

Potombihingakon mae na do'angku ka' do'a nu posaihonto iwi-iwi' sangga'at, anu mongka'oho' moholomati belento. Tulungiakon mae o Tumpu sinaa aiya da posaihon nu belento aiya nukalibosi mae i tomundo.” Tempo'nyo aitu kalajangku anu nu inum i tomundo memongulus.

MAZMUR 118:13

Aku pagalamo tinumbuhan mae totu-totu'u ka' pinipagalaanyomo me sangkiding sinilakamo, panyo aku tinulunganmo nu Tumpu.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 56:10

I sinaa aku nongkakasemo nomoita tulung hi Belento, mian anu monsampobali' mae mopalaimo, kalana ku sumbu' Tumpu nontinjohimo mae aku.

MAZMUR 94:17

De bisuannyo Tumpu madi'mo montulungi mae aku, aku memang me ise-ise' nolalinmo i dunia nu mian anu sinilakamo.

NOSABATMO 14:10

Salatan mian nu Israel nontoamo i tomundo Mesir ka' to sulu-suludadunyo tinokamo mae, aha nabuhukmo hondo ka' noloboo'mo hi Tumpu nomoita tulung.

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

AMSAL 21:1

Pokakana susumo Tumpu nongatun uee nukaunyo da mo'ili, montuluti pongka'oho'Nyo, sumo aitu mule' na la mongatun pikilan nu tomundo.