2 TAWARIKH 18:29 - KITAB NU TUMPU ALLA LELE MA'IMAI'

²⁹ I Ahab notataemo hi Yosafat, “Aku nompusokmo baju' susumo misa' tomundo ka' mambamo hingga-hinggat mahampate, panyo beleyum na mipake ahi' nu baju' pesalin nu beleyum.” Jadi tomundo Israel nompusokmo baju' susumo misa' tomundo na mamba mahampate.

2 TAWARIKH 18:29 ပူးပေါင်းရင်းမြစ်များ

1 TOMU-TOMUNDO' 20:38

Lapas aijo' nombobodimo ohup nyo nu hude, da madi' nusumbu' nu mian, lantas ia nambamo tinuminjo i sohipi' nu jalan montanda'i tomundo' nu Israel motulu.

2 TAWARIKH 18:28

Lapas aijo' i Ahab tomundo Israel, tiba i Yosafat tomundo nu Yehuda nambamo nontumbuhi kota Ramot i da'erah Gilead.

2 TAWARIKH 18:30

Tempo'nyo aitu to tale-talenga' nu suludadu sinumake' i kareta anu bau pahampate nu aha Siria pinalentahmo nu tomundo'nyo da anu otumbuhi ola samata-mata tomundo nu Israel.

AYUB 24:15

Mian anu saja' masala' montanda'imo sinaa anu malia'mo malom, kinukumbungnyomo na ohupnyo da mian madi' monsumbu' ia.

MAZMUR 12:2

Tulungiakon mae na kami, o Tumpu, kalana madi'mo daagi' ko mian anu ma'ima' na kinyonyoanyo, mian anu mohongo-hongo Belento i madi'anmo.

AMSAL 26:25

Mau mule' ia motatae ma'ima' boli mompalesaya; kalana han mongka'ideki nongkuasaimo kinyonyoanyo.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

1 SAMUEL 28:8

Lantas i Saul nimbalu-balu'mo susumo mian sangga'at da madi' nusumbu' nu mian. Ka' sinangaluan nu to momo'ane aha ua aha, ia nambamo ka' tinokamo ilaigan nu bolian aijo' pihi-pihi. Sahingga notataemo na i Saul, “Soba laga mae na tominuat nu mian anu ku sanggoje na sanggonyo, ka' poitakon da nu poto'i mae apaa na anu jadi saidi' mae.”