2 TAWARIKH 18:22 - KITAB NU TUMPU ALLA LELE MA'IMAI'

²² Po'ule' mule' notatae na i Mikha, “Jadi aijo' tionyo ahi' timbali! Tumpu nompotimbalimo to nabi-nabi nu Belento Tomundo mombaleko'imo belento Tomundo kalana tinantukanmo nu Tumpu da mompotokamo mae balaa' hi belento Tomundo!”

2 TAWARIKH 18:22 ပူးပေါင်းရင်းမြစ်များ

2 TAWARIKH 18:17

Lantas notataemo na i Ahab hi Yosafat, “Misa', totu'u ahi' na anu pinoto'ingkumo? Madi' toho' ia mompoto'i mae anu toto ima-ima' hi belengku! Ola saja' anu toto ide-idek!”

2 TAWARIKH 18:21

Tinaaman nu Roh aijo', ‘Aku mambaje ka' ku potimbali na nabi i Ahab iwi-iwi' da baleko'.’ Tumpu notatae, ‘Ma'ima'mo de sumo itina', baumo sumo itina', timbalimo nupoko sale'i na ia.’ ”

2 TAWARIKH 18:7

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae hi belengku anu ma'ima'; saja' anu madi' ma'ima'.” “Hah, boli motatae sumo aijo'!” na koonyo i Yosafat.

2 TAWARIKH 25:18

Panyo i Tomundo Yoas nompotuunmo pinontaaminyo sumo uuka, “Daagi' kino minsan hemput anu ko hii'nyo aita' mae i bungkutnyo nu Libanon nompotunmo anu pinoitanyo sumo uuka, hi kau' lontio', ‘O kau' lontio', bee'mo mae na langkoyang nu beleyum hi anaku da baumo bengkele'nyo.’ Panyo mamanga notulumo i kiijo' na binatang nu alas sa'angu' ka' nompahampeja'akonmo hemput anu ko hii'nyo aijo'.

AYUB 12:16

Tumpu Allah aijo' mahoson, madi' opoko ala ohungku'i ka' talasanggo! Anu saja' mongakali ka' anu ingakalanmo mati aluk i kakuasa'an-Nyo.

NOSABATMO 4:21

Tumpu notatae hi Musa, “Aku mombee'imo kuasa hi beleyum da mombau anu okabangangi. Jadi de beleyum minsusule'mo i Mesir, baumo iwi-iwi' na anu okabangangi i ahop nu tomundo Mesir. Panyo Ku pojadimo na ia da panggaga, sahingga ia madi' mongka'oho' mompobee' bansa aijo' mamba.

YESAYA 19:14

Tumpumo na nombau aha da jinadi mian anu lewa' mompokinde'i ola-ola mompobingung mule'. Ahennyo mae Mesir sinala'mo iwi-iwi' ka' tinombabihing mo susumo mian anu nalangumo ka' tinongkelejutmo kalana ilenda'mo nu lua'annyo.

YESAYA 3:11

Panyo silakamo na mian anu ma'idek na kinyonyoanyo! Aha osakisamo susumo aha nonsakisamo mian sangga'at.

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEHEZKIEL 14:9

De samian na nabi ingakalanmo sahingga montaami sala'mo. Akumo ahi' na nongakali. Aku, Tumpu Anu Matangkas na Kuasanyo monsabatakonje ia da bolimo maninggalum tiba aha to mia-mian nu Israel.

MIKHA 2:3

Kalana aijo' Tumpu notataemo, “Aku ko tanga'anmo montuda'i balaa' belemiu sahingga belemiu madi' ko madi'nyo nu konamo ahi' nu balaa'. Toka i tempo'nyo anu soe' aijo' belemiu madi'mo daagi moko ala junjuhi na lumajang.