2 TAWARIKH 18:13 - KITAB NU TUMPU ALLA LELE MA'IMAI'

¹³ Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na anu pinoto'imo nu Tumpu Allah hi belengku!”

2 TAWARIKH 18:13 ပူးပေါင်းရင်းမြစ်များ

1 TOMU-TOMUNDO' 22:14

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na pinoto'imo nu Tumpu hi belengku!”

2 TAWARIKH 18:12

Hau-haunyo aitu mian anu pinalentah namba nompoboa i Mikha, nompoto'imo hi Mikha, “Iwi-iwi' na nabi nompoto'imo ka'untungan mahampate na i tomundo. Sumo aitu mule' na belento Tuumangku mompoto'i ahi' anu ma'ima' susumo hi aha.”

2 TAWARIKH 18:14

Salatan i Mikha tinokamo hi ahop i Tomundo Ahab, i Tomundo nompokilawamo, “Pa' timbali na aku ka' i Tomundo Yosafat mambamo montumbuhi Ramot kabai madi' timbali?” “Tumbuhimo!” na koonyo i Mikha, “Belento Tomundo na tionyo ahi' mompatundu' aha. Tumpu na mombee'i ka'untungan mahampate hi belento Tomundo.”

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

YEREMIA 42:4

Tinaamanku, “Ma'ima'mo de sumo itina', ku situjui apaa na anu kinakakasemo nu belemiu atina'. Aku balado'amo hi Tumpu Allah-nto, ka' pa' apaa na pontaami-Nyo mae ku sisikje iwi-iwi'; maumo sa'angu' madi' ku pohowini hi belemiu.”

YEHEZKIEL 2:7

Poto'i ahi' iwi-iwi' na potuunon-Ku hi aha pa' nu hongo nu aha kabai madi'. Boli okolilimi saba' aha aijo' mian anu saja' motomuhuk.

NOMBILANGMO 22:35

Panyo malaekat nu Tumpu notatae, “Batukimo mae na aku tiba mian haha aijo'. Panyo beleyum ola timbali montaloakon apaa na anu Ku poki taloakon.” Sahingga i Bileam nolausakonmo lajangnyo tiba aha mian anu sinai mae i Balak aijo'.

NOMBILANGMO 23:12

Tinaaman i Bileam, “Aku ola timbali montaloakon apaa na anu nupoki poto'i nu Tumpu.”

NOMBILANGMO 23:26

Tinaaman i Bileam, “Te misa' pinoto'ingkumo hi belento Tuanku, tukoongku aku mombaumo iwi-iwi' apa na anu pinalentahkonmo nu Tumpu?”

NOMBILANGMO 24:13

mau mule' belento Tuanku mombee'i mae aku salaka iwi-iwi' ka' mosoni' anu daagi' i laigan nu belento Tuanku, aku madi' timbali molanggai palentah nu Tumpu ka' mombau apaa na anu nuka'ima'i nu kinyonyoangku? Aku ola timbali montaloakon apaa na anu nu pokauhakon nu Tumpu ku taloakon.”

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

1 KORINTUS 11:23

Kalana pinogulu'akonkumo hi komiu, aijo' ihumpaku lengkat mae hi Tumpu: aijo'mo pihi-pihi salatan i Yesus, Tumpunto kinabisa'anmo, Ia nongalamo roti,

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

1 TESALONIKA 2:4

Madi'! Kami madi' motatae da momposanang kinyonyoa nu mian, panyo momposanang kinyonyoa nu Tumpu, anu monguji' kinyonyoa mami. Kalana kami nutaha'imani nu Tumpu timbali mompolele Lele Ma'ima' aijo'.