2 TAWARIKH 18:12 - KITAB NU TUMPU ALLA LELE MA'IMAI'

¹² Hau-haunyo aitu mian anu pinalentah namba nompoboa i Mikha, nompoto'imo hi Mikha, “Iwi-iwi' na nabi nompoto'imo ka'untungan mahampate na i tomundo. Sumo aitu mule' na belento Tuumangku mompoto'i ahi' anu ma'ima' susumo hi aha.”

2 TAWARIKH 18:12 ပူးပေါင်းရင်းမြစ်များ

2 TAWARIKH 18:11

Iwi-iwi' na nabi sangga'at sinitujumo ka' notatae, “Tumbuhimo na Ramot, belento Tomundo mohumpakmo dale'. Tumpu mombee'imo ka'untungan mahampate hi belento Tomundo.”

2 TAWARIKH 18:13

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na anu pinoto'imo nu Tumpu Allah hi belengku!”

AYUB 22:13

Panyo pinokilawa nu beleyum, “Te ia apaa naanu pisumbu-sumbu'? Ia kiita' mae i sambiha' nu kundom jadi madi' ahi' moko ala mongulus palakalanto.”

MAZMUR 10:11

Tinutugannyo, “Tumpu nongkolilimimo ka' madi'mo sola' mompotomatakon mae; ka' mule' Ia tantu madi'mo daagi' saja' montoa mae aku!”

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

HOSEA 7:3

Tumpu notatae, “Tiba kalakuan nu aha anu talalo hondo baleko' ka' ma'idek aha mian da'isan mompagalamo momposanang kinyonyoa nu tomundo' tiba to paga-pagawe nu pamalentah.

AMOS 7:13

Bolimo daagi' balahotba i Betel. Kota' aiya ola samata-mata bau tampat nu tomundo' ka' tampat pogalejaan nu mian da'isan.”

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

MIKHA 2:6

To mia-mian binalakhotbamo mae hi belengku, koonyo nu aha, “Boli balakhotba mae hi kami. Boli balakhotbah mongkona han aijo' iwi-iwi'. Kami madi' mule' mohumpak ambang.

YOSUA 9:2

Iwi-iwi' na tomundo haha aijo' binasale'mo ka' nosa'angu'mo da mompahampateakonmo i Yosua ka' aha mian nu Israel.