2 TAWARIKH 17:6 - KITAB NU TUMPU ALLA LELE MA'IMAI'

⁶ Daka-daka' hondo na kinyonyoanyo montuluti palentah nu Tumpu ka' nongideimo tampat ponsomban pilogot ka' iwi-iwi' na patong Pilogot Boune Asyera kiijo' i Yehuda.

2 TAWARIKH 17:6 ပူးပေါင်းရင်းမြစ်များ

1 TOMU-TOMUNDO' 22:43

Susumo i Asa, tuumanyo, i Yosafat suele nombaumo apa na anu ma'ima' i mata nu Tumpu. Madi'mo hondo-hondo pinobee'nyo na to momo'ane ka' to bou-boune bakalaja i tampa-tampat nu mian masala' salaku bau ponsombah nu aha pilogot i uno nu kalaja'annyo anu binaumo nu mian salatan pe'e mae i Asa Tuuanyo. Panyo tampat ponsomban pilogot haha aijo' madi' ingideannyo. Aha mian da'isan daagi' saja' monsombahkon koloban ka' kamangian i tampat aijo'. I Yosafat nombaumo manjoo' hondo na kapal Tarsis da mamba mongala mosoni' kiijo' mae i Ofir, panyo' kapal haha aijo' madi' jadi namba tinalabut kalana na'idekmo kiijo' i Ezion-Geber. I Tomundo' Ahazia anu lengkat mae i Israel nonsale'imo da anu mokalaja i kapalnyo mamba hingga-hinggat tiba anu mokalaja i kapal hi Yosafat, panyo i Yosafat madi' mongka'oho' padahan ia mompaha sumbu hondo tiba tomundo nu aha Israel. Salatan i Yosafat sinilakamo ia i lamunmo i tampat pinolamunan to tomu-tomundo' i kota' Daud. I Yoram anaknyo na tinimbali tomundo nombolosakon ia. Sisikon sangga'at mongkona i Yosafat, mongkona kabaniannyo ka' ia lewa' mahampate tinulismo i Kitab Sisikon nu to Tomu-tomundo' nu Yehuda. Tempo'nyo aitu lipu' Edom madi'mo ko tomundo'nyo. Anu mompalentah i kiijo' samian na kapala da'erah.

2 TAWARIKH 14:2

I Asa saja' momposanang kinyonyoa nu Tumpu Allah-nyo, kalana ia saja' mombau anu ma'ima' ka' saja' adin.

2 TAWARIKH 14:3

Pinaha alinannyomo iwi-iwi' na mezbah nu bansa sangga'at ka' iwi-iwi' na tampat ponsomban pilogot. Anu lewa' ototon pontandai pilogot pinaha ideannyomo, ka' to pato-patong nu pilogot Boune Asyera tinua'akonnyomo.

2 TAWARIKH 15:17

Maumo madi' ingko-ingkot na tampat ponsomban pilogot i lipu' aijo' ingidean i Asa, panyo ia tataap tinulu-tulutanmo hi Tumpu i uno nu kantumuu'annyo.

2 TAWARIKH 19:3

Panyo mau mule' sumo aijo' daagi' ahi' ko anu ma'ima' hi belento Tomundo. Belento Tomundo nongalinimo iwi-iwi' na Patong Pilogot boune Asyera, anu nu sombah nu mian da'isan ka' belento Tomundo mule' nombaumo sa'angu' na usaha da tumuu' mombatuki pongka'oho' nu Tumpu Allah.”

2 TAWARIKH 20:33

Panyo tampat ponsomban pilogot madi' ingideannyo. Mian da'isan suele ma'isa buke-buke' na kinyonyoa nu aha monsombah Tumpu nu mompolee' mae nu aha.

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

AYUB 22:26

Sahingga beleyum timbalije saja' sabole-bole palesaya hi Tumpu Allah, ka' nusumbu'mo nu beleyum taalu' ia ahi' na pinolengkatan nu kasanangan nu beleyum.

MAZMUR 119:1

Mohumpak ka'ima'an na mian anu kantumuu'annyo madi' ko kasala'annyo ka' tulu-tulutan hi atulan iwi-iwi' nu Tumpu.

MAZMUR 138:5

Aha monyanyiakonmo anu pinojadimo nu Belento ka' katalasanggoan nu Belento anu daka' hondo.

NOSABATMO 34:13

Jadi, boli mombau sumo aijo' panyo hobo'akon na mezbah nu aha, idei na bau ponsomban nu aha pilogot anu nusangka nu aha ko balakatnyo ka' taa' na ohi' nu Asyera, pilogot nu aha.

HOSEA 14:9

Mian nu Israel mongalinmo iwi-iwi' na patong nu pilogot nu aha aha Ku jagaimo ka' mule' Ku talimamo na do'a nu aha. Susumo kau' anu tambok na honnyo, Kujagaimo na aha. Akumo na polengkatan mae nu balakat, iwi-iwi' anu nu humpak nu aha. Akumo na Tumpu anu notataemo.

SISIKON NU TO RASUL-RASUL 13:10

lantas notatae, “He, anu talalo baleko', anu talalo ma'idek! Beleyum sampo bali' nu hahan anu ma'ima'. Kadaka' beleyum madi' mongka'oho' belenti na mongidei kahanda' nu Tumpu anu momposalamat mian?

PO'ULE' INGULIT 28:47

Belemiu binalakatanmo nu Tumpu Allah nu belemiu i han iwi-iwi', panyo belemiu madi' mompalesaya Ia nu kinyonyoa anu totu-totu'u ka' madi' mongoa'i sanang.