2 TAWARIKH 17:4 - KITAB NU TUMPU ALLA LELE MA'IMAI'

⁴ panyo monsombah Tumpu Allah. Ia montuluti iwi-iwi palentah nu Tumpu Allah, ka' kantumuu'annyo madi' sumo to tomu-tomundo nu Israel.

2 TAWARIKH 17:4 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 12:30

Sahingga mian da'isan nombaumo dosa' kalana aha nambamo i Betel ka' i Dan monsombah pilogot.

1 TOMU-TOMUNDO' 3:3

I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

2 TOMU-TOMUNDO' 17:19

To mia-mian nu Yehuda suele madi'mo nontuluti iwi-iwi' na atulan nu Tumpu, Tumpu Allah nu aha. Aha lewa'mo mombatuki kabiasa'an nu mian Israel,

2 TOMU-TOMUNDO' 8:18

Ia no'osoa tiba anak i Ahab, ka' susumo apaa na anu lewa' nu bau nu aha sa'anakan mae i Ahab, ia binaladosa'mo hi Tumpu susumo to tomu-tomundo' nu Israel.

2 TAWARIKH 14:6

Sahingga ia noko alamo nombau benteng i kota Yehuda iwi-iwi'. Pa' sinagkuka na taun na kinopinnyo madi'mo toho' nahampate kalana binee'anmo nu Tumpu kadamean hi ia.

2 TAWARIKH 17:3

Tumpu nombalakatimo i Yosafat kalana apaa na anu binaumo nu tuumanyo aijo'mo na binaunyo; ia madi' monsombah Baal,

2 TAWARIKH 21:12

Lantas i Yehoram nohumpakmo sa'angu' na sulat anu tinulis i Nabi Elia tempo'nyo ia daagi' tutuu'. Sumo uuka na onyi' nu sulat aijo', “O Tumpu, Tumpu Allah anu sinombah i Daud, mohukumo i Tomundo kalana i Tomundo madi'mo nombatuki kalakuan nu tuuma ka' kai' nu Belento Tomundo.

2 TAWARIKH 22:9

Lapas aijo' pinokilionyomo mae na i Ahazia anu tempo'nyo aitu natisulukmo kiijo' mae i Samaria. Salatan i Ahazia i humpakmo, binoamo mae nu aha lantas pinateanmo i Yehu. Maumo sumo aijo' ia suele ahi' i lamunmo nu aha kalana aha mongadati i Tomundo Yosafat, kai'nyo anu palesaya hondo hi Tumpu totu-totu'u na kinyonyoanyo. Hi aha sa'anakan mae i Ahazia madi'mo ko anu tinimbali i hangkat binau pamalentah.

2 TAWARIKH 27:6

I Yotam nompaka daka'mo na kakuasa'annyo kalana ia mohongo-hongo ka' tulu-tulutan hi Tumpu Allah-nyo.

2 TAWARIKH 29:2

I Hizkia saja' nombau anu momposanang kinyonyoa nu Tumpu susumo i Tomundo Daud mompolee'nyo.

2 TAWARIKH 34:2

Ia nombaumo anu momposanang kinyonyoa nu Tumpu; ia nombatukimo sonto' i Tomundo Daud mompolee'nyo mae ka' nontulutimo iwi-iwi' atulan nu Tumpu Allah totu-totu'u.

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

1 TESALONIKA 2:12

Kami mompokinde'i komiu, ka' kami mongkakeha'i komiu, ka' kami mompakisa da komiu tumuu' sumo aijo' sahingga momposanang kinyonyoa nu Tumpu. Kalana Tumpu nolagamo komiu da timbali mian i Dunia Bu'ou nu Tumpu ka' mongoa'i Kasanangan-Nyo.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!