2 TAWARIKH 17:16 - KITAB NU TUMPU ALLA LELE MA'IMAI'

¹⁶ Ko totolu'nyo i Amazia anak i Zikri; ia mongkapalai aha 200.000 na suludadu. (I Amazia mian anu ola montulu-tulungi panyo palesaya hi Tumpu.)

2 TAWARIKH 17:16 ပူးပေါင်းရင်းမြစ်များ

1 TAWARIKH 29:14

Aku ka' mianku aiya totu-totu'u madi' moko ala mombee'i apa-apaa hi belento, kalana iwi-iwi' na anu binee' nu Belento ka' apaa na anu obee' mami aiya, belento ahi' suele na tumpunyo.

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

1 TAWARIKH 29:9

Sanang na kinyonyoa nu mian da'isan hi Tumpu ka' aha i lame'mo kalana nanjoo'mo na anu binee'mo nu aha hi Tumpu. I Tomundo' Daud suele i lame'mo hondo.

2 TAWARIKH 17:15

Ko ohua'nyo i Yohanan; ia mongkapalai aha 280.000 na suludadu.

2 TAWARIKH 17:17

Anu mongkapalai aha mae sa'anakan to tulu-tulunan mae nu bansa Benyamin aijo'mo, i Elyada, suludadu anu baani hondo. Ia mongkapalai 200.000 na suludadu, iwi-iwi' ko pana' ka' kanta,

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

TO MIA-MIAN KOPIAN 5:2

Opuji' na Tumpu kalana suludadu iwi-iwi' nu aha mian Israel mongka'oho'mo mahampate, ka' mian da'isan suele mongka'oho'mo mamba mahampate.

TO MIA-MIAN KOPIAN 5:9

Kona hi aha kapala nu suludadu nu aha Israel anu matangkas hondo na pangkatnyo anu sanang na kinyonyoanyo nompoita mamba mahampate talalo hondo ku angga'i. Opuji' na Tumpu!