2 TAWARIKH 17:11 - KITAB NU TUMPU ALLA LELE MA'IMAI'

¹¹ Lengkat mae hi aha mian nu Filistin ia nohumpakmo manjoo' hondo na salaka ka' palasen sangga'at, ka' anu lengkat mae hi aha mian nu Arab 7.700 na domba ka' 7.700 na mee'.

2 TAWARIKH 17:11 ပူးပေါင်းရင်းမြစ်များ

2 SAMUEL 8:2

I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

1 TOMU-TOMUNDO' 5:1

I Hiram, tomundo' nu aha Tirus, saja'mo no bela' tiba i Tomundo' Daud. Salatan i hongomo i Hiram na i Salomo binaumo tomundo' pinombolosi i Daud, tuumanyo ia nonsaimo mian namba hi Salomo.

2 TOMU-TOMUNDO' 3:4

I Tomundo' Mesa mian nu Moab ko potu'on domba. Salaku bau pombayan hasin hi tomundo' Israel, sataun toka sataun ia toka mombayan 100.000 na anak nu domba ka' mule' bulu nu domba lakinyo unggalannyo 100.000 na domba lakinyo.

2 TAWARIKH 17:12

Sumo aijo' na i Yosafat sansinaa toka sansinaa mompaka pintuangmo na kakuasa'annyo. I songko-songko na Yehuda pinaha bauannyomo benteng ka' to kota-kota' ponguna'an anu o kaan.

2 TAWARIKH 17:5

Tumpu nombalakatimo i Yosafat sahingga nahosonmo na ia salaku tomundo i Yehuda. Iwi-iwi' na mian da'isan nombee'imo palasen hi ia sahingga ia kinayamo ka' ingangga'anmo nu mian.

2 TAWARIKH 21:16

Tempo'nyo aitu daagi' ko mian nu Filistin ka' mian nu Arab anu jinojoongmo koko kampung kajojoongan nu mian Sudan i da'erah biwi nu ambai. Tumpu nompotimbalimo kinyonyoa nu mian haha aijo' da mompahampateakonmo i Yehoram.

2 TAWARIKH 26:8

Mian nu Amon mombayan hasin hi Uzia. Kakuasaannyo kino daka-daka'nyomo sahingga sanggonyo tinalasanggomo tinoka-tokamo i Mesir.

2 TAWARIKH 9:14

ma'isa minsoop na to hasi-hasin anu o'ala hi to daga-dagang anu toto daka-daka' ka dagang anu olaje babanggan. To Tomu-tomundo nu aha Arab tiba gubolonun-gubolonun nu aha Israel suele nombee'imo mosoni' ka' salaka hi ia.

2 TAWARIKH 9:24

Aha toto samian toka mae ka' momboa mae palasen anu obee' hi Salomo. Aha mombee' to bala-balang mosoni', salaka, pakean, toongon anu bau pahampate, to lampa-lampa, ajahan ka' bagal. Sumo aijo' sataun toka sataun.

YESAYA 13:20

Mau pe'e samian madi'mo daagi' ko anu jojoong ikiijo' mae. Madi'mo daagi' ko mian nu aha Arab anu lewa' mamba momoya na mombau kema' nu aha itampat aijo' ka' mule' madi'mo ko to pola-polaya' na molaya' mee' tiba dombanyo da opo, otot kiijo mae.

YEHEZKIEL 27:21

Aha mian nu Arab tiba anu mongkuasai tano' Kedar nongolimo bala-balang nu beleyum tinolosan nu anak nu domba, ka' mule' domba lakinyo ka' mee'.