2 TAWARIKH 16:6 - KITAB NU TUMPU ALLA LELE MA'IMAI'

⁶ Lantas i Tomundo Asa nontipaha'imo to mia-mian songko-songko i da'erah Yehuda da mamba mongato batu ka' kau' anu pinake i Baesa i kota Rama pinompohosonnyo kota aijo'. Batu ka' kau' haha aijo' pinakemo i Asa pinompohosonnyo kota Geba ka' Mizpa.

2 TAWARIKH 16:6 ပူးပေါင်းရင်းမြစ်များ

1 TOMU-TOMUNDO' 15:16

Tempo'nyo i tomundo' Asa nompalentahmo Yehuda ka' i Tomundo' Baesa nompalentahmo Israel, saja'mo nahampate na ua-ua'aha aijo'.

1 TOMU-TOMUNDO' 15:22

Lapas aijo', iwi-iwi' na mian songko-songko i da'erah Yehuda madi'ko samiannyo, pinalentahmo i Tomundo' Asa da mamba mongato batu ka' kau' anu pinake i Baesa kiijo' i Rama nompohoson kota aijo'. Batu tiba kau' haha aijo' pinakemo i Asa da mompohoson kota Mizpa tiba Geba, sa'angu' na kota i da'erah nu Benyamin.

1 TAWARIKH 6:60

I Da'erah tulunan mae nu aha bansa Benyamin, aha nohumpak kampung haha aiya tibamo hemputnyo: Geba, Alemet, ka' Analot. Iwi-iwi'mo 13 na kampung na bau kajojoongan nu aha sa'anakan.

2 TAWARIKH 16:5

Salatan i hongomo i Baesa na lele aijo' ia madi'mo nonjagai hoso-hoson kota' Rama panyo pinala'iannyomo na kota' aijo'.

2 TAWARIKH 16:7

Tempo'nyo aitu i Nabi Hanani tinokamo hi Tomundo Asa ka' nompoto'i, “Kalana beleyum taha'imanmo hi tomundo Siria, ka' misa'mo hi Tumpu Allah nu beleyum. Jadi beleyum madi'mo moko ala mompatundu' suludadu nu Israel.

2 TAWARIKH 21:17

Aha nontumbuhimo Yehuda, nompahuhuakonmo isi nu laigan nu tomundo, lantas i hakopmo ka' binoamo nu aha iwi-iwi' na anak ka' bengkele' i Yehoram, me i Ahazia anaknyo momo'ane anu tampalui'nyo na madi' binoa.

YESAYA 10:29

Aha noliu liumo potaapan ka' daagi' inale' i Geba! Mian anu jojoong i kota' Rama nabuhukmo tiba aha mian anu jojoong i Gibea, kota' i Tomundo' Saul, nopalaimo.

YEREMIA 40:6

Aku nambamo hi Gedalya kiijo' mae i Mizpa, ka' jinojoongmo hi ia hi aha mian da'isan anu pinojoongmo ilipu' Yehuda.

ZAKHARIA 14:10

Songko-songko na lipu' lengkat mae i Geba sasu utara toka-toka i Rimon sasu salatan timbalimo katano'an. Panyo Yerusalem mompaka patangkasmo lebemo matangkas nu liu-liumo na tano' anu i duhu-duhuknyo; kota aijo' mompaka ewamo lengkat mae i Sabatan Daka' Benyamin toka-toka i Sabatan Daka' anu i Pasu'nyo, tampat nu Sabatan Daka' anu Momona ka' lengkat mae i Laigan tangka-tangkas Hananel toka-toka i pompao'an anggur anu i tomundo'.

1 SAMUEL 10:17

Lantas i Samuel nolagamo aha mian da'isan Israel da sihuk i Mizpa,

1 SAMUEL 7:16

Sataun toka sataun ia mamba monsongkohi Betel, Gilgal, tiba Mizpa. Ka' itampat haha aijo' ia mongulus palakala po ualian sampe jadimo ma'ima'.

1 SAMUEL 7:6

Lantas aha sinihukmo iwi-iwi' kiijo' i Mizpa. Aha nontauk uee ka' mule' binubusakon salaku palasombahan hi Tumpu, ka' mule aha binapuasa'mo sinansinaa isinaamo aijo'. Aha notatae, “Kami binaladosa'mo hi Tumpu.” (Kiijo' i Mizpa i Samuel lewa'mo nongulus iwi-iwi' na palakala po ualian nu aha mian Israel.)