2 TAWARIKH 16:3 - KITAB NU TUMPU ALLA LELE MA'IMAI'

³ “Imbo' da kita mompaha bela' susumo anu binaumo nu to tu'a-tu'anyo nu beleyum ka' to tu'a-tu'anyo nu belengku. Aiya pinakatungkumo na mosoni', ka' salaka salaku bau palasen, ka' nongendei belento Tuan da bolimo mompahasumbu' tiba i Baesa tomundo nu aha Israel da ia po'ule'mo monsule'akon gombuan nu suludadunyo aiya i da'erangku.”

2 TAWARIKH 16:3 ပူးပေါင်းရင်းမြစ်များ

2 SAMUEL 21:2

To mia-mian nu Gibeon misa' mian nu Israel; aha mian nu Amori anu minsoop tompukan nu mian anu ola sangkiding. To mia-mian nu Israel nonjanji'mo hi aha madi' mompoposia aha, panyo i Saul nompateimo aha kalana ia nonginau'mo kapalaluan nu mian Israel tiba Yehuda.) Lantas ilagamo i Daud na mian nu Gibeon haha aijo',

1 TOMU-TOMUNDO' 15:16

Tempo'nyo i tomundo' Asa nompalentahmo Yehuda ka' i Tomundo' Baesa nompalentahmo Israel, saja'mo nahampate na ua-ua'aha aijo'.

2 TAWARIKH 16:2

Jadi i Tomundo Asa nongalamo mosoni' ka' salaka anu kiijo' pino una' i Laigan nu Tumpu ka' i laigan nu tomundo, lantas pinakatunyomo binoa i Damsyik hi Benhadad tomundo nu Siria ka' pinotunnyomo sumo uuka,

2 TAWARIKH 16:4

I Bengadad setuju i sale' aijo' lantas nonsaimo to sulu-suludadu nyo anu toto tangka-tangkas na pangkatnyo hingga-hinggat tiba suludadu nu aha da mambamo montumbuhi to kota-kota nu Israel. Aha nompatundu'mo kota Iyon, Dan, Abel-Bet-Maakha ka' iwi-iwi' na kota' anu pompo'una'an anu o kaan kiijo' mae i Naftali.

2 TAWARIKH 18:3

Ia notatae, “Pa' belento mongka'oho' mamba tiba aku montumbuhi Ramot?” Tinaaman i Yosafat, “Timbali, suludadungku matigalumo tiba suludadu nu Belento. Kita mahampatemo hingga-hinggat.

2 TAWARIKH 19:2

samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

NOSABATMO 32:21

Ia notatae hi Harun, “Apaa na anu binaumo nu aha hi beleyum sahingga beleyum nompojohokmo aha nombau dosa' anu daka' hondo?”

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

2 TIMOTIUS 3:3

Aha madi' mongkalibosi sangko mian, madi' mongka'ima'i mongampuni, aha mongka'ima'i mombusi-busiki sanggo nu mian sangga'at, mongka'ima'i mompakisa, aha masigo ka' madi' mongka'ima'i ka'ima'an.

TO MIA-MIAN KOPIAN 2:2

Kalana aijo' boli belemiu mobela' tiba tumpu nu lipu' i aiya. Mezbah nu aha haha aijo' tionyo ahi' o idei nu belemiu.' Panyo belemiu madi' nombau apaa na anu pinalentahkon-Kumo aijo'. Ola mule' ahi' belemiu nombaumo anu madi' pinalentahkon!