2 TAWARIKH 16:11 - KITAB NU TUMPU ALLA LELE MA'IMAI'

¹¹ Iwi-iwi' apaa na anu tinimbalimo tempo'nyo i Asa nompalentah lengkat pe'e momonanyo sampe ia madi'mo nompalentah tinulismo i uno nu kitab Sisikon nu To tomu-tomundo Yehuda ka' Israel.

2 TAWARIKH 16:11 ပူးပေါင်းရင်းမြစ်များ

2 TAWARIKH 12:15

Sisikon mongkona i Rehabeam lengkat pe'e momonanyo ia binaumo tomundo sampe ia madi'mo binau tomundo, sisikonnyo tinulismo i kitab sisikon Nabi Semaya ka' i kitab Sisikon Nabi Ido. I Rehabeam ka' i Yerobeam saja' nahampate.

2 TAWARIKH 16:10

Potatae i Nabi Hanani aijo' nonsaduakonmo da i Asa pinusamo hondo, sahingga pinosoopnyomo na nabi aijo' i uno nu talungku'. Tempo'nyo aitu suele nonsakisamo na i Asa pa' aha sangkuka na miannyo anu nu palentah.

2 TAWARIKH 20:34

Sisikon sangga'at mongkona i Yosafat, lengkat pe'e mae momonanyo sampe ia madi'mo nompalentah tinulismo i Tundulan mongkona i Yehu anak i Hanani anu tinulismo i kitab Sisikon nu to Tomu-tomundo Israel.

2 TAWARIKH 25:26

Salatamo pe'e i Amazia nohikumo Tumpu, mian sinangaja'mo da bolimo mohongo-hongo ia, kiijo' i Yerusalem. Kalana aitu ia nopalaimo namba i kota' Lakhis, panyo sampo bali'nyo haha aijo' nololoi'mo ia nokiijo' ka' pinateanmo nu aha na ia. Bangke'nyo pinosake'mo i kaleta anu nu hela' nu ajahan, ka' binoamo i Yerusalem, lantas i lamunmo i pinolamunan to tomu-tomundo' i kota' Daud. Sisikon sangga'at mongkona i Amazia lengkat i momonanyo tinoka-toka tempo'nyo ia madi'mo nompalentah tinulismo i uno nu kitab Sisikon nu to Tomu-tomundo Yehuda ka' Israel.

2 TAWARIKH 26:22

Sisikon sangga'at mongkona i Tomundo Uzia nompalentah tinulismo i Nabi Yesaya anak i Amos.

2 TAWARIKH 27:7

Hahan sangga'at anu binaunyomo tempo'nyo nompalentah na i Yotam, lewa' nahampate ka' kapandean nahampate anu binaunyomo, iwi-iwi' tinulismo i kitab Sisikon nu to Tomu-tomundo' nu Israel ka' Yehuda.

2 TAWARIKH 32:32

Sisikon sangga'at mongkona i Tomundo Hizkia ka' han ia mongka'ima'i Tumpu tinulismo i uno nu kitab Anu Montutuhakon apaa na pinoto'i nu Tumpu Allah Hi Nabi Yesaya Anak i Amos, ka' i kitab Sisikon nu to Tomu-tomundo Yehuda ka' Israel.

2 TAWARIKH 34:18

Lapas aijo' pinoto'inyo mule', “I Hilkia nombee'mo mae kitab aiya hi belengku.” Lantas binasa'mo i Safan da nuhongo i tomundo.

2 TAWARIKH 35:27

de okodo-kodo'i na sisikon, mongkona kantumuu'annyo iwi-iwi' lengkat pe'e momonanyo sampe i pupuusnyomo, aijo' tinulismo i kitab Sisikon nu to Tomu-tomundo Israel ka' Yehuda.

2 TAWARIKH 9:29

Sisikon sangga'at mongkona i Salomo lengkat pe'e momonanyo sampe tinoka i puusnyo tinulismo i uno nu kitab Sisikon i Nabi Natan ka' i uno nu kitab sisikon anu lewa'mo pinoto'i i Ahia mian nu Silo, ka' i uno nu kitab apaa na anu pinoto'imo i Nabi Ido, anu suele nontulismo sisikon mongkona i Yerobeam tomundo nu Israel.