2 TAWARIKH 15:6 - KITAB NU TUMPU ALLA LELE MA'IMAI'

⁶ Bansa sangga'at monsakisamo bansa sangga'at, kalana pinotokamo nu Tumpu na pahampatean anu sidamo hondo hi aha.

2 TAWARIKH 15:6 ပူးပေါင်းရင်းမြစ်များ

2 TAWARIKH 12:15

Sisikon mongkona i Rehabeam lengkat pe'e momonanyo ia binaumo tomundo sampe ia madi'mo binau tomundo, sisikonnyo tinulismo i kitab sisikon Nabi Semaya ka' i kitab Sisikon Nabi Ido. I Rehabeam ka' i Yerobeam saja' nahampate.

2 TAWARIKH 13:17

Daka' hondo na kakalahan na pinombau i Abia tiba suludadunyo hi aha mian nu Israel; 500.000 na suludadu nu aha anu otaha'imani sinilakamo.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

2 TAWARIKH 36:17

Tumpu nompotuka'mo kinyonyoa i tomundo Babel da montumbuhimo aha. Tomundo aijo' nompateimo mian nu Yehuda anu toto oli-olitau ka' toto lalangkoyang tibamo aha anu kiijo' i Laigan nu Tumpu. Mau pe'e samian madi' ko anu kinalibosannyo, mau anu langkai'mo ka' bengkele'mo, kabai anu daagi' olitau ka' langkoyang, to momo'ane kabai to boboune, anu masakit kabai anu madi' masakit. Aha iwi-iwi' binee'mo nu Tumpu Allah hi tomundo Babel.

MAZMUR 106:41

Sahingga binee'nyomo na aha hi to bansa-bansa pinojohoknyomo na aha sahingga kinuasanmo nu sampobali' nu aha.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 19:2

Tumpu notataemo, “Aku mompojadimo pahampatean utus mongewa utusnyo i Mesir: Anu mompaha ohani laigan mompaha ewa-ewamo kota' mongewamo kota', kalaja'an mongewamo kalaja'an.

YEREMIA 25:32

Tumpu Anu Balakuasa notatae, “Lengkat mae ipuus nu tano' antong daka' binuhokanmo mae susumo gohung; balaa' nontuda'mo mae bansa-bansa toto sa'angu'.”

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

HAGAI 2:22

to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

MATIUS 24:7

Bansa sa'angu' mahampate mongewa bansa sangga'at, ka' negara sa'angu' montumbuhi negara sa'angga'at. Iyayamae timbalimo na kapo'ohopan ka' luulu'.

MARKUS 13:8

Bansa sa'angu' mahampate mongewa bansa sangga'at. Negara sa'angu' mahampate tiba negara sangga'at. Iyayamae timbali na luulu' ka' balaa' nu kapo'ohopan. Iwi-iwi' aijo' sala'je tampu'unannyo, sumo masakit anu o'oa'i nu samian na boune anu kahanda'mo monganak.