2 TAWARIKH 15:3 - KITAB NU TUMPU ALLA LELE MA'IMAI'

³ Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

2 TAWARIKH 15:3 ပူးပေါင်းရင်းမြစ်များ

2 TAWARIKH 17:7

I taun kototolu'nyomo na ia nompalentah, ia nompalentahmo to mia-mian anu ko pangkatnyo matangkas da mompogulu' to atu-atulan nu Tumpu hi songko-songko na kota Yehuda. Aha aijo'mo: i Berhail, i Obaja, i Zakharia, i Netaneel ka' i Mikha.

NEHEMIA 8:9

Nohongo Atulan anu binasa'mo aijo' mian da'isan tinongkolibosonmo, lantas i humangmo sahingga i gubernur Nehemia ka' i Imam Ezra anu pande hondo i Atulan aijo', ka' aha mian nu Lewi haha aijo' anu nontutuhakonmo Atulan aijo', nompoto'imo hi mian da'isan iwi-iwi' sumo uuka na koonyo nu aha, “Sinaa aiya sinaa anu tinantukanmo nu belemiu hi Tumpu Allah, jadi bolimo talalo tongkoliboson ka' humang.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

IMAMAT 10:11

Iwi-iwi' na atulan anu Ku bee' hi belemiu anu nupotoka i Musa, tionyo ahi' belemiu moko ala mongajanakon hi bansa Israel.”

IMAMAT 10:8

Tumpu notataemo hi Harun,

AMOS 8:11

Tumpu Anu matangkas na Kuasanyo notatae, “Tokaje na tempo'nyo Ku potokaje mae na balaa' ka'ohopan i lipu' aiya. Mian mo'ohop panyo misa' ohop nu anu okaan. Mian anu megot, panyo misa' megot nu uee. Aha mo'ohop ka' megot nu potuunon-Ku.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

ROMA 2:12

To mia-mian bansa sangga'at baladosa' panyo madi' monsumbu-sumbu' atulan nu agama Yahudi. Jadi aha ohukum i sambiha'nyo nu atulan aijo'. Panyo to mia-mian Yahudi baladosa' salatan nonsumbu'mo atulan aijo'; mokonyo aijo' aha ohukum suele susumo koonyo nu atulan aijo'.

1 KORINTUS 9:21

Toka hi mian anu misa' Yahudi, aku montiho susumo samian anu misa' Yahudi, anu tumuu' i sambiha'nyo nu atulan i Musa. Kubau na aijo' da aku timbali moko ala mongendei aha mombatuki i Kristus. Panyo aijo' misa' alati'nyo saba' aku madi'mo mohongo-hongo palentah haha aijo' nu Tumpu; aku na kinuasanmo ahi' nu palentah haha aijo' i Kristus.

PO'ULE' INGULIT 33:10

Aha nompotinganmo mian anu pinalesayamo hi Belento da sabole-bole montuluti iwi-iwi' na palentah nu Belento ka' nonsombahkonmo koloban i mezbah nu Belento.

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.