2 TAWARIKH 15:2 - KITAB NU TUMPU ALLA LELE MA'IMAI'

² Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 15:2 ပူးပေါင်းရင်းမြစ်များ

1 TOMU-TOMUNDO' 11:25

Susumo i Hadad, i Tomundo' Rezon suele nonsampo bali'mo Israel tempo'nyo i Salomo daagi tutuu' ka' lewa'mo nombau kahengge'an ilipu' aijo'.

1 TOMU-TOMUNDO' 18:18

“Misa' aku na monsaduakon da saja' painggaga,” na koonyo i Elia, “panyo posi belento Tomundo'. Belento Tomundo' tiba sa'anakan nu belento Tomundo' na monsaduakon sahingga saja' painggaga. Kalana nonsombahmo pilogot nu Baal haha aijo' belento Tomundo' nolanggaimo iwi-iwi' na palentah nu Tumpu.

2 TOMU-TOMUNDO' 21:14

Mian anu daagi' jojoong i kiijo' Ku pojohokmo da timbali kaanon nu to bansa-bansa anu kahanda' mongewa ia, anu mompatundu'mo aha, ka' mompahahuhuakonmo lipu' nu aha.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 11:12

tiba kanta ka' talombo'. Tiba jalan anu sumo aijo' da'erah Yehuda ka' Benyamin tinataapmo i uno nu kakuasa'annyo.

2 TAWARIKH 12:5

Tempo'nyo aitu i Tomundo Rehabeam ka' to pola-polaya' nu Yehuda sinilimu'mo i Yerusalem kalana nopalaimo mae nabuhukmo hi Sisak. I Nabi Semaya tinokamo hi aha ka' nompoto'i, “Sumo uuka na koonyo nu Tumpu, ‘Belemiu nohikumo Aku, jadi uuka aiya Aku suele mohikumo belemiu sahingga belemiu nu kuasaimo i Sisak.’ ”

2 TAWARIKH 13:12

Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

2 TAWARIKH 13:4

Ohu-ohua' na gombuan nu suludadu haha aijo' nompaha aho-ahopmo i da'erah bungkutnyo nu Efraim. I Abia nindakomo nokiita' i Bungkutnyo nu Zemarim ka' iloboo'akonnyomo hi Yerobeam ka' hi mian nu Israel, “Potombihing mae!

2 TAWARIKH 15:15

Iwi-iwi' na aha mian da'isan Yehuda ilame'mo kalana aha binasumpa'mo totu-totu'u na kinyonyoa. Sinanangmo na aha monsombah Tumpu, ka' Tumpu mule' nontalimamo aha. Pino'ima'-Nyomo na ka'ada'an sahingga madi'mo ko anu lewa' mae mompoposia i da'erah nu aha.

2 TAWARIKH 15:4

Panyo salatan aha nu tokaimo nu kasusa' ana ha momoitamo tulung hi Tumpu Allah Israel. Aha momoitamo pokinde'-Nyo, ka' nu bee'imo ahi' pokinde'.

2 TAWARIKH 20:15

ka' ia nompoto'imo, “Belento Mian Daka' Anu Talasanggo ka' to utu-utus iwi-iwi'. Koonyo nu Tumpu, boli belemiu bata-bata kabai mabuhuk na mongewa suludadu anu da'isan haha aijo'. Kalana anu mahampate misa' belemiu, panyo Tumpu Allah.

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

2 TAWARIKH 24:20

Lantas i Zakharia anak i Imam Yoyada kinuasanmo nu Roh nu Tumpu Allah. I Zakharia nokiijo'mo i ahop nu mian da'isan, ka' notatae daka-daka', “Tumpu Allah nompoto'imo, ‘Kadaka' belemiu madi'mo mohongo-hongo apaa na anu ku palentahkon ka' mosi pateimo butong nu belemiu. Belemiu madi'mo mompajuli Aku, sahingga Aku suele madi'mo mompajuli belemiu!’ ”

2 TAWARIKH 26:5

I Zakharia na saja' mompokinde'i de mongkona hahan agama. Tempo'nyo i Zakharia daagi' tutuu'. I Uzia daagi' saja' tulu-tulutan monsombah Tumpu, sahingga daagi' saja' nubalakati nu Tumpu.

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

2 TAWARIKH 33:12

Tempo'nyo ia nonta'upmo kasansalan aijo', ia nongakuimo kasala'annyo hi Tumpu Allah-nyo ka' ia binalado'amo nongkakaasemo da otulungi na ia.

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

EZRA 8:22

Aku mabuhuk na momoita hi tomundo suludadu anu monsake'i ajahan da monjagai kami da boli opoposia nu sampobali' hau-haunyo kami lumajang. Kalana pinoto'ingkumo hi ia, tukoongku Tumpu Allah mami mombalakati batu-batu mian anu monsombah Ia, panyo mongka'ideki ka' mohukum batu-batu mian anu madi' tulu-tulutan hi Ia.

MAZMUR 34:4

O puji' na Tumpu tiba aku na mompuji' imbo' hingga-hinggat moholomati sanggo-Nyo.

MAZMUR 53:2

Mian anu ponga' hondo motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati; madi'mo daagi' ko anu nombau palabuatan anu ma'ima'.

YESAYA 45:19

Aku motatae madi' oposuluk, kabai opohowini. Aku madi' mompokau mian anu palesayamo hi beleng-Ku, Israel molio Aku ola palasuma. Aku, Tumpu, na nontaloakon han anu totu'u, ka' nompoto'imo apaa na anu madi'sala'.”

YESAYA 51:1

Tumpu notatae; “Potombihing mae na Aku, o, belemiu anu mongka'ima'i de oposalamat, ka' tokamo mae hi beleng-Ku momoita da otulungi. Inau' na bungkutnyo nu batu anu pinanimpa'atanmo nu belemiu, ka' pinongkekeanmo batu anu pipinongkekeanmo belemiu.

YESAYA 7:13

Lantas i Nabi Yesaya notataemo, “De sumo itina', potombihing mae lee' i Tomundo Daud! Ma'isa sukup na belemiu monguji' kasabanan nu manusia sahingga belemiu monguji mule' kasabanan nu Tumpu Allah?

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

AMOS 5:14

Mompagala mombau anu ma'ima' ka' boli mombau anu ma'idek da belemiu timbali tumuu'. Sahingga Tumpu Anu Daka' na Kuasanyo totu-totu'u jojoong hi belemiu susumo anu tinaloakonmo nu belemiu.

ZAKHARIA 1:3

Panyo uuka aiya Aku motataemo hi belemiu: Pinsusule'mo mae hi beleng-Ku da Aku suele minsusule'mo hi belemiu.

NOMBILANGMO 14:42

Boli mamba! Belemiu nupatundu'mo nu anu monsampobali' belemiu kalana Tumpu madi' monsangalui belemiu.

NOMBILANGMO 14:43

De belemiu mahandupa'mo tiba mian nu Amalek ka' mian nu Kana'an aijo', belemiu silakamo i pahampatean. Tumpu madi'mo monsangalui belemiu kalana belemiu madi' tulu-tulutan hi Ia.”

MATIUS 13:9

Lapas na Ia nonsisikakon kantuang aijo' i Yesus notataemo, “De ko bihing pohongomo!”

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

PO'ULE' INGULIT 4:29

Lantas belemiu moliomo Tumpu Allah nu belemiu, ka' de o lio miu totu-totu'u na kinyonyoa, tantu o humpak nu belemiu na Ia.

IBRANI 10:38

Ka' mian-Ku anu madi'mo ko sala'nyo palesayamo ka' tumuu'mo; panyo de daagi' ko anu aijo' hi aha na anu tolo sule', tantu Aku madi'mo sanang hi ia.”

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

YOSUA 22:31

Lantas notataemo na i Pinehas, anak i Imam Eleazar, hi mian haha aijo' tulunan nu bansa Ruben, Gad tiba Manasye anu i sasu Kabete'an, “Uuka aiya sinumbu'mo mami na Tumpu, saja' mombalakati kita, kalana belemiu saja' mohongo-hongo Ia: Belemiu nomposalamatmo mian nu Israel da boli nuhukum nu Tumpu.”

ANU PINOTO'I HI YOHANES 2:11

Ihe na mohongo, tionyo ahi' mompalahatikan apaa na anu tinaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan madi'mo sahondo-hondonyo mongoa'i kasansala'an apa-apaa nu kapatean anu kopinduannyo.”

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 3:13

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:22

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:6

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

TO MIA-MIAN KOPIAN 10:13

Maumo sumo aijo', belemiu ola ahi' nompaka hiku Aku, lantas nambamo nonsombah to pilo-pilogot. Uuka aiya Aku madi'mo mongka'oho' mompobebas belemiu.

TO MIA-MIAN KOPIAN 9:7

Salatan i hongomo i Yotam na han aijo' ia nambamo tinuminjo aita' i Bungkutnyo nu Gerizim, lantas i loobo'akonnyomo daka-daka' nokaiyong hi mian haha aijo', “Potombihing mae na aku o belemiu to mia-mian anu jojoong i Sikhem da suele belemiu nu hongo nu Tumpu Allah!

1 SAMUEL 12:14

Higahiakon na belemiu de belemiu mongadatimo Tumpu ka palesayamo hi-Ia, ka' mule' mompotombihingmo ka' mohongo-hongomo palentah-Nyo, apaa mule' de belemiu tiba tomundo' nu belemiu aijo' sabole-bole ahi' tulu-tulutan hi Tumpu Allah nu belemiu.

1 SAMUEL 12:15

Panyo sumo aitu mule' de belemiu madi' mohongo-hongo Tumpu ka' mule' monggagakon palentahNyo, memang belemiu tiba tomundo' nu belemiu nu ewamo nu Tumpu.