2 TAWARIKH 15:14 - KITAB NU TUMPU ALLA LELE MA'IMAI'

¹⁴ Notataemo na aha daka-daka' binasumpa' hi Tumpu koonyo nu aha nu toongimo nu aha dodo-dodo na janji' aijo'. Lapas aijo' aha lewa'mo nolo'ais ka' lewa'mo nompuuhi tolompet.

2 TAWARIKH 15:14 ပူးပေါင်းရင်းမြစ်များ

2 TAWARIKH 15:13

Maumo pa' ihe anu tu'anyomo kabai anu ma'isa tu'anyo to momo'ane kabai to bou-boune anu madi' tumuu' mombatuki pongka'oho' nu Tumpu tionyo ahi' ohukumo opatei.

2 TAWARIKH 15:15

Iwi-iwi' na aha mian da'isan Yehuda ilame'mo kalana aha binasumpa'mo totu-totu'u na kinyonyoa. Sinanangmo na aha monsombah Tumpu, ka' Tumpu mule' nontalimamo aha. Pino'ima'-Nyomo na ka'ada'an sahingga madi'mo ko anu lewa' mae mompoposia i da'erah nu aha.

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

NEHEMIA 5:13

Lapas aijo' binukankumo na salempang anu butu-butu' i kompongku lantas kinokabakonkumo ka' pinoto'ingkumo, “Sumo aiya na Tumpu Allah mongkobahakon batu-batu mian anu madi' mongganapi janji'nyo. Mian aijo' timbalimo loloison, laigan ka' iwi-iwi na halata'nyo nu alamo nu Tumpu Allah!” Iwi-iwi' na mian anu binalagombumo nontaami, “Totu-totu'umo na kinyonyoa mami!” Lantas nompuji'mo Tumpu. Jadi to pola-polaya' haha aijo' nongganapimo janji' nu aha.

MAZMUR 98:6

Puhi na tolompet ka' po'onyi' daka-daka', otaligalai na Tumpu, Tomundo'to.

NOSABATMO 24:3

Lantas i Musa nambamo ka' nombebakonmo hi bansa aijo' iwi-iwi' na palentah ka' atulan nu Tumpu. Aha iwi-iwi' nontaami hingga-hinggat, “Obaumo mami iwi-iwi' na anu tinaloakonmo nu Tumpu.”

NOSABATMO 24:7

Lapas aijo' ingalanyomo na kitab palajanjian anu pinontulisan to pale-palentah nu Tumpu ka' binasa'nyomo daka-daka' hi bansa aijo'. Aha notataemo, “Kami montulutimo Tumpu ka' iwi-iwi' na palentahnyo obaumo mami.”

YOSUA 24:24

Lantas mian haha aijo' notataemo hi Yosua, “Kami palesayamo ka' mohongo-hongomo ola samata-mata hi Tumpu, Tumpu Allah-nto. Kami montulutimo palentah-Nyo iwi-iwi'.”