2 TAWARIKH 14:6 - KITAB NU TUMPU ALLA LELE MA'IMAI'

⁶ Sahingga ia noko alamo nombau benteng i kota Yehuda iwi-iwi'. Pa' sinagkuka na taun na kinopinnyo madi'mo toho' nahampate kalana binee'anmo nu Tumpu kadamean hi ia.

2 TAWARIKH 14:6 ပူးပေါင်းရင်းမြစ်များ

1 TOMU-TOMUNDO' 5:4

Panyo' uuka aiya Tumpu Allah-ngku nombee'imo ka'amanan i da'erah kakuasa'anku iwi-iwi'. Madi'mo ko anu monsampo bali' aku, ka' madi'mo suele ko balaa' anu nontokai mae lipu'ku.

1 TAWARIKH 22:13

De beleyum montuluti iwi-iwi' palentah anu binee'mo nu Tumpu hi Musa anu ogunakon hi bansa Israel, beleyum moko ala mompotimbali laigan aijo'. Beleyum tionyo ahi' totu-totu'u na kinyonyoa ka' baani. Boli mabuhuk na mongahopi maumo pa'apaa.

1 TAWARIKH 22:9

Maumo sumo aijo', ia binalajanji'mo hi belengku sumo uuka: Beleyum saidi' mae mohumpakmo samian na anak mo'ane anu mompalentahje ka' madi'mo ko anu lewa' mae monsampo bali', kalana Ku tulungimo na ia, sahingga madi'mo ko anu mamba mae mompahampateakon ia. Ia osanggohi i Salomo kalana de daagi' ia na mompalentah, Aku saja' mombee'i ia ka'ima'an nu lipu' ka' ka'amanan i songko-songko na Israel.

2 TAWARIKH 15:15

Iwi-iwi' na aha mian da'isan Yehuda ilame'mo kalana aha binasumpa'mo totu-totu'u na kinyonyoa. Sinanangmo na aha monsombah Tumpu, ka' Tumpu mule' nontalimamo aha. Pino'ima'-Nyomo na ka'ada'an sahingga madi'mo ko anu lewa' mae mompoposia i da'erah nu aha.

2 TAWARIKH 17:4

panyo monsombah Tumpu Allah. Ia montuluti iwi-iwi palentah nu Tumpu Allah, ka' kantumuu'annyo madi' sumo to tomu-tomundo nu Israel.

2 TAWARIKH 20:30

Mokonyo aijo' madi'mo nabuhuk na i Yosafat nompalentah, ka' binalakatanmo nu Tumpu nu kadamean na ia i songko-songko na lipu'.

2 TAWARIKH 26:5

I Zakharia na saja' mompokinde'i de mongkona hahan agama. Tempo'nyo i Zakharia daagi' tutuu'. I Uzia daagi' saja' tulu-tulutan monsombah Tumpu, sahingga daagi' saja' nubalakati nu Tumpu.

2 TAWARIKH 31:21

Apa-apaa na anu tinanga'annyomo obau, pinoko ala nyomo binau kalana kapentingan nu Laigan nu Tumpu ka' mule' montuluti to atu-atulan nu Tumpu, binaunyomo nu kinyonyoa totu-totu'u kalana ia totu-totu'u mongka'ima'i Tumpu Allah-nyo.

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

YOSUA 23:1

Pinin hondo na Tumpu nonjagai mian nu Israel sahingga madi'mo ko anu nompoposia; aha madi'mo saja' opoposia nu sampobali' nu aha. Tempo'nyo aitu i Yosua i langkai'mo hondo.

TO MIA-MIAN KOPIAN 3:11

Sahingga na'ima'mo na lipu' aijo' madi'mo ko anu nompoposia pinatompulu' na taun na kinopinnyo. Lapas aijo' sinilakamo na i Otniel.

TO MIA-MIAN KOPIAN 3:30

Sinaa aijo' Moab no hungku i mo i Israel, sahingga na'ima'mo ka' madi'mo ko anu nompoposia lipu' aijo' inguampulu' na taun na kinopinnyo.

TO MIA-MIAN KOPIAN 5:31

O amalakon da iwi-iwi' na sampobali' nu belento o Tumpu, mate susumo i Sisera, panyo iwi-iwi' na anu mompahasumbu' belento Tumpu talasanggo susumo jingka aita' i langa! Lapas aijo', madi'mo ko anu nompoposia lipu' aijo' pinatompulu' na taun na kinopinnyo.