2 TAWARIKH 14:11 - KITAB NU TUMPU ALLA LELE MA'IMAI'

¹¹ Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 14:11 ပူးပေါင်းရင်းမြစ်များ

1 TOMU-TOMUNDO' 8:44

De Belento mompalentahmo mian anu pinalesayamo hi Belento da mambamo mahampate mongewa sampo bali', maumo pa' iya mae na kajojoongan, aha mo'ahop mae i kota anu pinile'anmo nu Belento aiya ka' balado'a mompatui mae laigan aiya anu binaungkumo ponsomban Belento.

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

2 TAWARIKH 13:12

Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

2 TAWARIKH 13:14

Salatan gombuan nu suludadu nu aha Yehuda nontoamo taalu' aha tinikumo, aha noloboo'mo momoita tulung hi Tumpu. To ima-imam nompuhimo tolompet,

2 TAWARIKH 13:15

lantas gombuan nu suludadu nu aha Yehuda tinolo aismo bau pontipaha'i da mahampatemo, kinapalaan i Abia. Hau-haunyo aha lewa' nolo ais, Tumpu Allah nompatundu'mo i Yerobeam ka' gombuan nu suludadu nu aha Israel.

2 TAWARIKH 13:18

Mian nu Yehuda na inguntung nahampate, kalana aha montaha'imani samata-mata balakat nu Tumpu Allah na montulungi aha, aijo'mo Tumpu Allah nu mompolee' mae nu aha.

2 TAWARIKH 14:10

Sahingga nambamo na i Asa nongahopi i Zerah, ka' ua'aha aijo' bubu'mo nongatun suludadu nu aha i Bangka'nyo nu Zefata koko Meresa.

2 TAWARIKH 16:7

Tempo'nyo aitu i Nabi Hanani tinokamo hi Tomundo Asa ka' nompoto'i, “Kalana beleyum taha'imanmo hi tomundo Siria, ka' misa'mo hi Tumpu Allah nu beleyum. Jadi beleyum madi'mo moko ala mompatundu' suludadu nu Israel.

2 TAWARIKH 18:31

Jadi salatan tinoamo nu aha na i tomundo Yosafat, koonyo nu aha iwi-iwi' aijo'mo na tomundo Israel. Kalana aijo' tinumbuhanmo nu aha na ia. Panyo i Yosafat nolobo'mo, lantas tinulunganmo nu Tumpu na ia, ka' madi'mo nontumbuhi aijo', panyo nongahopimo sangga'at.

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

2 TAWARIKH 20:32

Susumo i Asa tuumanyo, i Yosafat suele nombaumo han anu ma'ima' i mata nu Tumpu.

2 TAWARIKH 25:8

Panyo de belento Tomundo sabole-bole mongala aha, nupojohokmo nu Tumpu Allah na belento Tomundo' da nupatundu' nu sampo bali', maumo suludadu nu Belento Tomundo mahoson ka' baani. Kalana ola Tumpu Allah na anu daka' hondo na kuasanyo timbali mombee'i ka'untungan mahampate, kabai opatundu'.”

2 TAWARIKH 26:7

Tumpu Allah na nontulungi ia nompatundu' mian nu Filistin, ka' mian nu Arab anu jojoong i Gur-Baal ka' mian nu Meunim.

2 TAWARIKH 32:20

Sahingga binalado'amo na i tomundo Hizkia tiba i Nabi Yesaya anak i Amos. Aha nongkakaasemo nomoita tulung hi Tumpu Allah.

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

MAZMUR 120:1

Nyanyian mamba i tampat anu ko balakatnyo I uno nu kasusa'anku, aku nongkakasemo momoita tulung hi Tumpu, ka' tinaamannyomo mae na aku.

MAZMUR 18:6

Aku tinikubanmo nu balaa anu monsilakaimo, bau pohakop nu anu monsilakaimo ingahopankumo.

MAZMUR 20:5

O'amalakon da iwi-iwi' na anu nu kahanda'i nu beleyum Nubee' mae sahingga iwi-iwi' na anu nu tangani mingkaliangan.

MAZMUR 20:7

Uuka aiya sinumbu'kumo taalu' Tumpu mombee'imo ka'untungan mahampate hi tomundo' anu pinile'an-Nyomo. Tumpu nontaamimo ia lengkat mae i suluga'-Nyo anu susi' hondo; kalana kuasa nu Tumpu ia nohumpakmo ka'untungan nahampate anu daka' hondo.

MAZMUR 20:8

Daagi' ko mian anu montakabunakon kaletanyo anu opake mahampate, daagi' mule' ko anu montakabunakon ajahannyo. Panyo kita montakabunakon kuasa nu Tumpu, Tumpu-nto.

MAZMUR 22:5

Mompolee' mami montaha'imani Belento, aha montaha'imani, ka' pinosalamatmo nu Belento na aha.

MAZMUR 22:6

Aha mongkakasemo da otulungi, lantas aha madi'mo sinilaka; aha montaha'imani, lantas aha madi'mo ingise-ise' na kinyonyoa nu aha.

MAZMUR 34:6

Mian anu sinansalamo nontaha'imanimo ia ka' ilame'mo aha madi'mo daagi' mohumpak ambang.

MAZMUR 37:5

Simpalakon hi Tumpu na kantumuu'an nu beleyum, Ia ahi' na otaha'imani, ka' Ia na montulungi beleyum.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 9:19

Madi' sampe tokamo sidu-sidutu' na mian anu kasiasi okolilimi; mian anu sansala madi' ahi' saja'mo, madi'mo ko anu nu taha'imani.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

NOSABATMO 14:10

Salatan mian nu Israel nontoamo i tomundo Mesir ka' to sulu-suludadunyo tinokamo mae, aha nabuhukmo hondo ka' noloboo'mo hi Tumpu nomoita tulung.

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

YESAYA 10:20

Tempo'nyo tokamo saidi' mae, tuha' nu bansa Israel anu madi' pinatean madi'mo daagi' saja' montaha'imani kantumuu'annyo hi bansa anu balakuasa anu me ise-ise' nompateimo aha, panyo hi Tumpumo ahi nu aha Israel anu susi'.

YESAYA 2:22

Jadi boli montaha'imani mian anu madi' tumuu' batu kalana ia madi' ko angga'nyo.

YESAYA 26:13

Kami toho'mo kinuasan nu to tuan-tuan sangga'at, panyo ola-olamo ahi' Belento na anu o, akui mami, o, Tumpu mami!

IMAMAT 26:8

aha olima' na belemiu moko alamo mompatundu' sa'atu na mian, ka' aha sa'atu na mian, belemiu moko mompatundu' sa'atu na madala na mian.

AMOS 5:9

Ia nohopu'imo mian anu balakuasa ka' benteng nu aha.

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

YOHANES 14:1

“Boli kinyonyoaum susa',” koonyo i Yesus hi aha. “Palesaya hi Tumpu, ka' palesaya suele na Aku.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

SISIKON NU TO RASUL-RASUL 2:21

Tempo'nyo aitu, mian anu mongkakase hi Tumpu oposalamat.’

SISIKON NU TO RASUL-RASUL 3:16

To utu-utus nontoamo ka' nonsakisimo apaa na anu jinadimo tiba mian kapi' aiya. Ia po'ule'mo nahoson ka' sinehat kalana ia palesaya hi Yesus ka' kuasa-Nyo. Kalana palesaya hi Yesus, sahingga mian aiya po'ule'mo sinehat i ahop nu to Utu-utus iwi-iwi'.

SISIKON NU TO RASUL-RASUL 9:4

Ia notua' i tano' lantas nohongo potatae tinoka hi ia, “Saulus, Saulus! Apaa na sababnyo beleyum nonsakisa Aku?”

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 32:27

Panyo aku madi' mongka'oho' sampobali' nu aha Israel kobubuunmo; boli-boli aha sala' na monsangka ka' notatae tukoonyo nu aha, ahamo na nohungku'i mian anu pinalesayamo hi beleng-Ku,’ padahan Aku ahi' na nombaumo han aijo'.”

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

TO MIA-MIAN KOPIAN 7:7

Lapas aijo' pinoto'imo nu Tumpu hi Gideon, “Aha tolu'atu na mian anu nonjila'i uee aijo', Ku pobebasmo na belemiu, ka' mombee'imo ka'untungan mahampate na belemiu mongewa aha mian nu Midian. Saimo na sangga'at da minsusule'mo.”

1 SAMUEL 14:6

Sahingga notataemo na i Yonatan hi olitau aijo', “Imbo' da olambanintomo mokiijo' i ponjaga'an nu aha mian Filistin anu daagi halipulu aijo'. Ihe na monsumbu' nu tulungi mae nu Tumpu na kita. Kalana Tumpu moko ala mombee'i mae ka untungan mahampate mau da'isan na mian maumo ola sangkiding na mian.”

1 SAMUEL 17:47

Ka' iwi-iwi' na mian anu i aiya montoamo taalu' Tumpu madi' pilenje ko bajak kabai talombo' bau pomposalamat mian anu pinalesayamo hi Ia. Iamo na nontantukan mosia na mahampate aiya, ka' Iamo na saidi' mae mombee' belemiu hi lima mami.”

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.