2 TAWARIKH 13:19 - KITAB NU TUMPU ALLA LELE MA'IMAI'

¹⁹ Tempo'nyo i Abia nololoi'mo gombuan nu suludadu i Yerobeam, ia nompatundu'mo tino pia-piangkuka na kota ka' kampungnyo anu toto ise-ise'. Kota haha aijo', aijo'mo Betel, Yesana ka' Efron.

2 TAWARIKH 13:19 ပူးပေါင်းရင်းမြစ်များ

KAJADIAN 28:19

Tampat aijo' sinanggohannyomo Betel. (Naipuan mae sanggonyo Lus.)

2 TAWARIKH 13:18

Mian nu Yehuda na inguntung nahampate, kalana aha montaha'imani samata-mata balakat nu Tumpu Allah na montulungi aha, aijo'mo Tumpu Allah nu mompolee' mae nu aha.

2 TAWARIKH 13:20

Tempo'nyo i Abia daagi' nompalentah, i Yerobeam madi'mo noko ala nompo'ule' kakuasa'annyo. Ahennyo ia pinateanmo nu Tumpu.

2 TAWARIKH 15:8

Salatan i hongomo i Asa na potatae i Azarya anak i Obed aijo', binaanimo na kinyonyoanyo, pinaha alinnyomo na bapilogotan anu aijo' i lipu' Yehuda, ka' Benyamin tiba anu kiijo' i to kota-kota' anu pinatundu'nyomo anu aita' mae i bungkutnyo nu Efraim. Lantas pinoko ima'annyomo na mezbah nu Tumpu anu kiijo' i popasan nu Laigan nu Tumpu.

2 TAWARIKH 17:2

Ia nompaha pojoongmo suludadu i iwi-iwi' na kota' anu ko bentengnyo i da'erah Yehuda ka' i to kota-kota' anu i sambiha' nu kota Yehuda, ka' mule' i to kota-kota' anu ingalamo nu tuumanyo i da'erah Efraim.

YOHANES 11:54

Kalana aijo' i Yesus madi'mo lewa' manintoa hi mian da'isan nu aha mian Yahudi. Pinala'iannyo na Yudea ka' i namba i kota' sanggonyo Efraim koko pandang bolaa. I kiijo' mae Ia jinojoongmo hingga-hinggat tiba anu aja' mombatuki Ia.

YOSUA 10:19

“Panyo belemiu boli ola toka ikiijo'. Sabole-bole ololoi' ka' otumbuhi lengkat mae i hiku; boli opobee' na aha minsoop i kota-kota nu aha! Tumpu Allah nu belemiu nombee'mo ka'untungan mahampate hi belemiu mompatundu' aha.”

YOSUA 10:39

Kota aijo' tiba tomundo'nyo tiba iwi-iwi' na kota sangga'at anu mompaha ohani ikiijo' pinatundu'mo i Yosua. Iwi-iwi' na mian anu ikiijo' pinateanmo. I Yosua nombau Debir ka' tomundo'nyo sumomo ia nombau Hebron tiba Libna ka' tomundo'nyo.

YOSUA 11:12

Iwi-iwi' na kota haha aijo' pinatundu'mo i Yosua, ka' to tomu-tomundo'nyo i hakopmo ka' pinateanmo susumo anu pinalentahkonmo i Musa posaihon nu Tumpu aijo'.

YOSUA 15:9

lapas aijo' i lau-lausmo nokiijo' imata nu uee Me-Neftoah, toka-toka mokiijo' i kota-kota koko Bungkutnyo nu Efron. Lengkat ikiijo' potempasan nu da'erah aijo' noselemo mokiijo' mongahopi Baala (aijo'mo Kiryat-Yearim),

1 SAMUEL 31:7

Salatan aha mian nu Israel haha aijo' anu jojoong i santoa nu Bangka'nyo Yizreel tiba anu i sasu kabete'an Kaunyo nu Yordan nohongomo taalu' suludadu nu Israel nopalaimo ka' taalu i Saul tiba to ana-anaknyo anu toto momo'ane sinilakamo, aha nopalaimo nompala'imo kota' nu aha haha aijo'. Lantas jinojoonganmo nu aha mian Filistin na kota' haha aijo'.