2 TAWARIKH 13:12 - KITAB NU TUMPU ALLA LELE MA'IMAI'

¹² Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

2 TAWARIKH 13:12 ပူးပေါင်းရင်းမြစ်များ

2 TAWARIKH 24:20

Lantas i Zakharia anak i Imam Yoyada kinuasanmo nu Roh nu Tumpu Allah. I Zakharia nokiijo'mo i ahop nu mian da'isan, ka' notatae daka-daka', “Tumpu Allah nompoto'imo, ‘Kadaka' belemiu madi'mo mohongo-hongo apaa na anu ku palentahkon ka' mosi pateimo butong nu belemiu. Belemiu madi'mo mompajuli Aku, sahingga Aku suele madi'mo mompajuli belemiu!’ ”

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

MAZMUR 20:7

Uuka aiya sinumbu'kumo taalu' Tumpu mombee'imo ka'untungan mahampate hi tomundo' anu pinile'an-Nyomo. Tumpu nontaamimo ia lengkat mae i suluga'-Nyo anu susi' hondo; kalana kuasa nu Tumpu ia nohumpakmo ka'untungan nahampate anu daka' hondo.

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

YESAYA 45:9

Silakamo na mian anu painggaga tiba anu Nompotimbali ia; ia pokakanamo sumo kuhon tano' anu madi' tulut hi mian anu nombau ia. Pa' toho' mule' tano' ponto nompokilawa hi anu nombaumo kuhon tano', “Apaa na kalaja nu beleyum atina'?” Pa' toho' mule' kuhon tano' motusa'tukoonyo anu nombaumo ia madi' pande?

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YEREMIA 2:37

Belemiu saidi' mae mompala'imo Mesir ka' mompele-pele'mo ka' mule' ma ambangmo. Aku, Tumpu madi'mo nontalima aha anu ota-otaha'imani nu belemiu; madi' ko anu ohumpak nu belemiu na ka'untungan apa-apaa lengkat hi aha.”

YEREMIA 50:24

Tumpu notatae, “O, Babel, beleyum nongewamo Aku, kalana aijo' beleyum tinongkonamo iso'o anu pinokonang-Ku ponso'o beleyum panyo beleyum madi' ahi' nangalati'.

YEHEZKIEL 17:9

Sahingga, Aku, Tumpu Anu Matangkas na Kuasanyo nompokilawamo: Pa' timbali ahi' na kau' anggur aijo' tumuu' ka' mompaka podensu'? Pa' bonyia' anu momona aijo' madi' ahi' monggautakon ia tibamo iwi-iwi' na bakatnyo ka' mohontang bua'nyo iwi-iwi', ka' mompato'i panga'nyo iwi-iwi' ka' mompojohokmo da ia mangkaluale? Madi' palalu mian kabai bansa anu toto hoso-hoson na monggautakon kau'a ijo' sampe toka-toka i bakatnyo.

ZAKHARIA 10:5

Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

NOMBILANGMO 14:41

Panyo i Musa notataemo, “Kadaka' belemiu madi' mohongo-hongo palentah nu Tumpu? Madi' kogunanyo na mokiita'!

NOMBILANGMO 23:21

Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!

NOMBILANGMO 31:6

I Musa nompalentahmo aha mamba mahampate hingga-hinggat tiba i Pinehas anak i Imam Eleazar. I Pinehas nomboa to bala-balang anu susi' ka' tolompet bau pohongoan tanda.

SISIKON NU TO RASUL-RASUL 5:39

Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 20:4

Nusangaluije nu Tumpu Allah na belemiu ka' montulungi belemiu, ka' nu bee'je hi belemiu na ka'untungan de mahampate.’

PO'ULE' INGULIT 28:29

Sonsu'un na sinaa belemiu me lewa' mahakanyangan susumo mian anu napisokmo, panyo madi' mohumpak jalan. Iwi-iwi' na anu obau nu belemiu madi'mo ko anu timbali. Belemiu me saja' osansalai ka' obulingi, ka' madi' ko anu montulungi belemiu.

IBRANI 2:10

Memang konanyomo na Tumpu – anu nompotimbalimo iwi-iwi na apaa bau kapentingan-Nyo – ka' nompotimbalimo i Yesus anu momposalamat totu-totu'u, Ia nongoa'imo kasansala'an. Tiba jalan anu sumo aijo' na Tumpu nolagamo mian iwi-iwi' da suele opopodaka' tiba i Yesus. Kalana Iamo na pombuka' jalan hi aha da timbali oposalamat.