2 TAWARIKH 12:3 - KITAB NU TUMPU ALLA LELE MA'IMAI'

³ 1.200 na kareta anu bau pahampate, 60.000 na suludadu anu nonsake'i ajahan ka' suludadu anu madi'mo pinoko bilang na konjoo'nyo, tibamo gombuan nu suludadu Libia, Suki ka' Sudan.

2 TAWARIKH 12:3 ပူးပေါင်းရင်းမြစ်များ

2 SAMUEL 10:18

Panyo aha mian nu Israel nompahantutukakonmo suludadu nu Siria, i Daud tiba suludadunyo nompateimo 700 na mian anu mompojalan kaleta anu pinake mae nu aha nahampate, tiba 40.000 na suludadu anu monsake'i ajahan; ka' mule' i Sobakh talenga' nu suludadu nu sampo bali' tinadokmo hondo na binelaon sahingga ia sinilakamo daagi hau-haunyo mahampate.

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

2 TAWARIKH 14:12

Lantas i Asa ka' suludadu nu aha Yehuda nontumbuhi suludadu nu aha Sudan. I hungku'anmo nu Tumpu na suludadu nu aha Sudan, sahingga aha nopalaimo.

2 TAWARIKH 14:8

Suludadu i Tomundo Asa aha 300.000 na mian nu Yehuda anu ko toongon kanta ka' talombo', ka' aha 280.000 na mian nu Benyamin anu ko toongon kanta, pana' ka' hihisnyo. Aha iwi-iwi' to sulu-suludadu anu toto babaani ka' anu pinogulu'mo ima-ima'.

2 TAWARIKH 14:9

Daagi' kino minsan samian na aha bansa Sudan sanggonyo i Zerah nontumbuhimo Yehuda, gombuan nu suludadunyo 1.000.000 na mian, ka' 300 na kareta anu bau pahampate. Aha tinokamo mae i Meresa.

2 TAWARIKH 16:8

Te kinolilimanmo na Sudan ka' Libia anu manjoo' hondo na suludadunyo ka' manjoo' na karetanyo anu bau pahampate ka' suludadunyo anu monsake'i ajahan? Panyo maumo sumo aijo' Tumpu nombee'i ka'untungan nahampate na belemiu nompatundu' aha, kalana beleyum samata-mata taha'iman hi Ia.

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YEHEZKIEL 30:5

I uno nu pahampatean aijo' suele ahi' opateimo na to sulu-suludadu anu tinamboan lengkat mae i Sudan, Lidia, Libia, Arab, Kub ka' mule' posi bansang-Ku ahi'.”

DANIEL 11:43

Nu pahuhuakonmo na halata' nu Mesir sumo mosoni', salaka, tiba halata' sangga'at anu mahan na olinyo. Ia saidi' mae nu bantumo nu aha mian nu Libia ka' mule' mian nu aha Sudan.

NAHUM 3:9

Tebe mompalentah Sudan tiba Mesir ka' mule' kakuasa'annyo madi' ko batasnyo; Libia tiba Put aijo'mo na sangalunyo.

ANU PINOTO'I HI YOHANES 9:16

Ku poto'iakon saba' konjoo'nyo nu gombu-gombuan anu monsake'i ajahan haha aijo', konjoo'nyo ua'atu na juta.

TO MIA-MIAN KOPIAN 4:13

ia nomposihukmo sio'atu na karetanyo anu bau pahampate besak na binau, hingga-hinggat tiba iwi-iwi' na suludadunyo lantas nomboamo aha lengkat mae i Haroset-Hagoyim nokiijo' i Kaunyo nu Kison.

TO MIA-MIAN KOPIAN 6:5

Mian haha aijo' tinoka mae da'isan hondo tiba potuu'on ka' kemah nu aha manjoo' hondo na binoa mae nu aha. Aha tiba unta nu aha manjoo' hondo madi' opoko ala o bilang. Aha toka mae mongidei lipu' aijo',

1 SAMUEL 13:5

Tempo'nyo aijo' aha mian nu Filistin nosa'angu'mo suele kahanda'mo montumbuhi aha mian nu Israel; aha ko kaleta anu bau pahampate 30.000, ka' 6.000 na mian anu monsake'i ajahan, tiba to sulu-suludadu konjoo'nyo sumomo bone' ibiwi nu ambai. Aha binakemahmo i kiijo' i Mikhmas sasu kabete'an Bet-Awen.