2 TAWARIKH 12:2 - KITAB NU TUMPU ALLA LELE MA'IMAI'

² ka' madi'mo nontuluti ia. Kalana aijo' Tumpu nohukumo aha. I taun ko olima'nyomo na i Rehabeam nompalentah i Sisak tomundo nu aha Mesir nontumbuhimo Yerusalem,

2 TAWARIKH 12:2 ပူးပေါင်းရင်းမြစ်များ

1 TOMU-TOMUNDO' 11:40

Salatan lele aijo' tinokamo hi Salomo ia binatanga'mo da opateimo na i Yerobeam. Panyo i Yerobeam nopalaimo namba hi Tomundo' Sisak i Mesir ka' jinojoongmo kiijo' mae sampe i Salomo sinilakamo.

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 14:8

Suludadu i Tomundo Asa aha 300.000 na mian nu Yehuda anu ko toongon kanta ka' talombo', ka' aha 280.000 na mian nu Benyamin anu ko toongon kanta, pana' ka' hihisnyo. Aha iwi-iwi' to sulu-suludadu anu toto babaani ka' anu pinogulu'mo ima-ima'.

2 TAWARIKH 14:9

Daagi' kino minsan samian na aha bansa Sudan sanggonyo i Zerah nontumbuhimo Yehuda, gombuan nu suludadunyo 1.000.000 na mian, ka' 300 na kareta anu bau pahampate. Aha tinokamo mae i Meresa.

2 TAWARIKH 24:18

Sahingga mian da'isan madi'mo nonsombah Tumpu i Laigan nu Tumpu, Tumpu Allah mompolee' nu aha, panyo nonsombahmo pilogot ka' to pato-patong Pilogot boune Asyera. Dosa' nu aha aijo' nonsaduakonmo da Yoyada ka' Yerusalem tinambuha'anmo nu Tumpu.

YESAYA 18:2

Lengkat mae ilipu' aijo' tinokamo mae na utusan anu notaapmo mae Kaunyo nu Nil sinumake' mae iduangan. O, utusan-utusan anu toto mako-makolit, sampamo pinsusule' ilipu' nu beleiu anu so' nusahak nu kaunyo haha aijo'. Boa na potuunon aiya sumo uuka toka hi bansa nu belemiu anu toto maho-mahoson ka' toto babaani, ka' mule' belemiu mian nu toto tangka-tangkas, ka' kilitnyo ma'ima' ka' okabuhuk isongko-songko na dunia.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

MOHAANGI 5:15

Kami madi'mo daagi' nongoa'i kasanangan Kasusa'an nu tomate binaumo pombolosi lewa' mosalele i bau-baun.