2 TAWARIKH 12:13 - KITAB NU TUMPU ALLA LELE MA'IMAI'

¹³ I Rehabeam nompalentah i Yerusalem ka' kakuasa'annyo lebemo nompaka daka'. Umunnyo 41 taunmo tempo'nyo ia tinimbali tomundo ka' nompalentahmo 17 na taun na kinopinyo i Yerusalem, kota' anu pinile'anmo nu Tumpu i da'erah nu Israel songko-songko da bau tampat ponsomban Ia. Tina i Rehabeam i Naama mian nu lipu' Amon.

2 TAWARIKH 12:13 ပူးပေါင်းရင်းမြစ်များ

1 TOMU-TOMUNDO' 11:1

I Tomundo' Salomo nongka'ima'imo manjoo' hondo na to bou-boune nu bansa sangga'at. Misa' ola anak lalangkoyang nu tomundo' Mesir na ingosoan i Salomo, panyo ia mule' nompaka po osoamo tiba to bou-boune nu aha mian Het, Moab, Amon, Edom tiba Sidon.

1 TOMU-TOMUNDO' 11:36

Panyo sa'angu' na tulunan nu bansa Ku bee'mo hi ia da saja' daagi' ko samian na lee' mae i Daud posaihon-Ku aijo' na mompalentah anu saja' monsombah Aku i Yerusalem kota' anu pinile'an-Kumo tampat bau ponsomban Aku.

1 TOMU-TOMUNDO' 14:21

Salatan i Rehabeam anak i Salomo tinimbalimo tomundo' nu Yehuda tempo'nyo aitu umunnyo patompulu'mo ka' sa'angu' na taun. Ia nompalentah sinampulu' ka' pinopitu' na kinopinnyo, i Yerusalem. Kota' anu songko-songko i Israel, kota'mo aijo' na anu tinantukanmo nu Tumpu da bau ponsomban Ia. Tina i Rehabeam sanggonyo i Naama bansa mae nu aha Amon.

2 TAWARIKH 12:1

Salatan i Rehabeam nompalentah salaku tomundo nahosonmo, ia ka' iwi-iwi' na mian da'isan aha Israel madi'mo nompajuli atulan nu Tumpu,

2 TAWARIKH 13:7

Ia nonsale'imo aha sanggombu na to mia-mian anu toto pangga-panggaga ka' ma'idek na kinyonyoa nu aha ka' mompakisakon pongka'oho' nu aha hi Rehabeam anak momo'ane i Salomo, anu tempo'nyo aitu daagi' hondo olitau ka' ma'isa pe'e ko anu nu pisumbu-sumbu' pa' mosia na mongewa.

NEHEMIA 13:1

Salatan Atulan i Musa binasa'akonmo hi mian da'isan, kiijo'je ka' i humpak na katalangannyo sumo uuka: ‘Mian nu Amon ka' Moab madi' hondo timbali maninggalo' tiba mian anu palesayamo hi Tumpu Allah,

NEHEMIA 13:26

Pinoto'ingkumo, “Te misa' dosa' aiya suele binaumo i Tomundo' Salomo? Madi' ko tomundo' anu i dunia aiya na lebe daka' molingkudui ia. Tumpu Allah mongkalibosi hondo ia ka' nompotimbalimo ia tomundo' nu aha songko-songko na Israel. Maumo sumo aijo' ia pagalamo sinale'an nu to bou-boune bansa anu i salipu'an da mombaumo dosa'.

NOSABATMO 20:24

Baui na Aku sa'angu' na mezbah te tano' na obau lantas sombahkonmo ikiijo' domba ka' sapi' nu belemiu bau koloban anu otunui ka' koloban bau pompodame. Maumo pa'ia mae na tampat anu Ku tantukan hi belemiu salaku tampat ponsomban Aku, Aku tionyo mae toka ka' mombalakati belemiu.

YEHEZKIEL 48:35

Songko-songko na pagan mesen aijo' komantannyo osio' na kilometen. Ka' lengkat itempo' aiya mian nonsanggohimo kota' aijo': “DAAGI' KO TUMPU IKIIJO'!”

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 23:3

Mian nu Amon ka' Moab tiba lee'nyo nu aha sampe lapisannyo anu ko sampulu'nyomo madi'mo timbali minsoop mian anu pinalesayamo hi Tumpu,