2 TAWARIKH 11:15 - KITAB NU TUMPU ALLA LELE MA'IMAI'

¹⁵ I Yerobeam nosi hangkatmo to ima-imam anu mokalaja i iwi-iwi' na tampat ponsomban pilogot ka' monsombahmo to tinu-tinumpu ka' patong sapi' anu pinosi baunyo.

2 TAWARIKH 11:15 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 12:31

Ka' mule' i Yerobeam nompaka baumo mule' tampar sangga'at lewa' ponsomban pilogot i bungkutnyo ka' nohangkatmo to ima-imam anu ingala hi bubu' aha anu misa' lee' mae nu aha tulunan nu bansa Lewi.

1 TOMU-TOMUNDO' 13:33

I Tomundo' Yerobeam sabole-bole madi' mongka'oho' mombabali'i kalakuannyo anu ma'idek aijo'. Anu mongkalesang iwi-iwi' na tampat ponsomban anu binaunyomo aijo', ia sabole-bole mompile'i mian anu bau imam hi aha sa'anakan mae anu misa' lee' mae nu imam. Maumo pa'ihe asan ia mongka'oho', nuhangkatmo bau imam.

1 TOMU-TOMUNDO' 14:9

Panyo beleyum nombaumo kalakuan anu lebe ma'idek molingkudui apaa na anu binaumo nu aha anu nompalentahmo tempo'nyo ma'isa pe'e kino beleyumnyo nompalentah. Beleyum nohikumo Aku sahingga Aku pinusamo kalana nombaumo bapilogotan ka' mule' to pato-patong tambaga da osombah.

2 TAWARIKH 13:8

Jadi uuka aiya osangka nu belemiu, belemiu moko alamo mongewa kakuasa'an anu binee'mo nu Tumpu hi lee' i Daud, kalana suludadu nu beleyum manjoo' ka' belemiu ko to sapi-sapi' mosoni' anu pinotimbalimo i Yerobeam pilogot nu belemiu.

2 TAWARIKH 13:9

Te misa'o to ima-imam nu Tumpu lee' mae i Harun ka' to mia-mian nu Lewi i laa'mo nu belemiu iwi-iwi'? Salaku bolosnyo yayamo maumo pa' ihe na mongka'oho' timbali imam, asan ia momboamo mae sa'angu' na sapi' kabai popitu' na domba, o hangkatmo nu belemiu bau imam nu anu misa' Tumpu Allah, kalana memang sumo aijo' na to bansa-bansa sangga'at mohangkat imam nu aha. Panyo kami madi' mombau anu sumo aijo'.

NOSABATMO 32:31

Lantas i Musa po'ule' mule' namba nangadap hi Tumpu ka' notatae, “Bansa aijo' nombaumo dosa' anu daka' hondo. Aha nombaumo pilogot mosoni' na binau.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

PO'ULE' INGULIT 32:17

Aha nonsombahkon koloban hi tomi-tominuat anu ma'idek anu misa' Tumpu Allah, hi to pilo-pilogot anu madi' nusumbu' nu aha, to pilo-pilogot anu sala'je sinumbu' nu aha, anu madi' nu akui nu mompolee' nu aha.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

ANU PINOTO'I HI YOHANES 16:14

Aha atina'mo na to roh-roh ma'idek anu nombau manjoo' na anu okabangangi. Toto-totolu' na roh ma'idek aijo' namba hi iwi-iwi' na tomundo i songko-songko na dunia ka' nomposihukmo aha da mahampate i Sinaa daka' anu olame'akon, aijo'mo Sinaa nu Tumpu Allah Anu Matangkas na kuasanyo.