2 TAWARIKH 10:2 - KITAB NU TUMPU ALLA LELE MA'IMAI'

² Tempo'nyo aitu i Yerobeam anak i Nebat daagi' kiijo' mae i Mesir kalana nopalaimo, nompala'imo i Tomundo Salomo. Salatan i hongonyomo na lele i Rehabeam ia po'ule'mo ninsusule' i Israel.

2 TAWARIKH 10:2 ပူးပေါင်းရင်းမြစ်များ

1 TOMU-TOMUNDO' 11:26

Mian sangga'at anu notomuhumo nongewa i Salomo aijo'mo aha mian anu ko pangkatnyo mokalaja hi ia, sanggonyo i Yerobeam. Ia anak i Nebat lengkat mae i Zereda da'erah Efraim. Tinanyo binalumo sanggonyo i Zerua.

1 TOMU-TOMUNDO' 11:28

I Yerobeam suele nokalajamo ikiijo'. Salatan tinoamo i Salomo na i Yerobeam taalu' ia pande ka' mule' manjoo' na anu nu sumbu' ka' suele makeke binee'annyomo kalaja na ia monjagai mian anu opakisa na mokalaja i da'erah nu aha tulunan nu bansa Manasye tiba Efraim.

1 TOMU-TOMUNDO' 11:40

Salatan lele aijo' tinokamo hi Salomo ia binatanga'mo da opateimo na i Yerobeam. Panyo i Yerobeam nopalaimo namba hi Tomundo' Sisak i Mesir ka' jinojoongmo kiijo' mae sampe i Salomo sinilakamo.

1 TOMU-TOMUNDO' 12:2

Tempo'nyo aitu i Yerobeam anak i Nebat daagi' kiijo' mae i Mesir kalana nopalaimo madi'mo sinanang hi Salomo. Salatan ia nohongomo lele i Rehabeam, ia ninsusule'mo i Israel.

2 TAWARIKH 10:3

Mian da'isan sasu Utara nolagamo i Yerobeam, lantas aha hingga-hinggat tiba ia nambamo nangadap hi Rehabeam. Aha notatae,

2 TAWARIKH 9:29

Sisikon sangga'at mongkona i Salomo lengkat pe'e momonanyo sampe tinoka i puusnyo tinulismo i uno nu kitab Sisikon i Nabi Natan ka' i uno nu kitab sisikon anu lewa'mo pinoto'i i Ahia mian nu Silo, ka' i uno nu kitab apaa na anu pinoto'imo i Nabi Ido, anu suele nontulismo sisikon mongkona i Yerobeam tomundo nu Israel.