2 TAWARIKH 1:2 - KITAB NU TUMPU ALLA LELE MA'IMAI'

² Iwi-iwi' na kapala nu gombuan nu suludadu anu 1.000 ka' gombuan nu suludadu anu 100, iwi-iwi' na anu ko pangkatnyo mokalaja i pamalentah, ka' iwi-iwi' na to tu'a-tu'anyo nu auwan nu aha Israel pinalentahmo i Tomundo Salomo,

2 TAWARIKH 1:2 ပူးပေါင်းရင်းမြစ်များ

1 TOMU-TOMUNDO' 3:4

Tampat ponsomban anu talalo hondo talasanggo kiijo' mae i Gibeon. Toto monsan i Salomo monsombahkon koloban kiijo' mae daagi' kino sansinaan, susumo anu saja'mo nu bau, ia po'ule' namba.

1 TAWARIKH 13:1

I Tomundo' Daud binasale'mo tiba iwi-iwi' na suludadunyo anu toto tangka-tangkas na pangkatnyo, anu mongkapalai gombuan nu suludadu anu aha 1.000 na mian ka' anu aha 100 na mian.

1 TAWARIKH 15:12

Koonyo i Daud hi aha, “Belemiu to kapa-kapala nu sa'anakan mae hi tulunan nu bansa Lewi. Kalana aijo' tionyo ahi' belemiu ka' to mia-mian nu aha Lewi sangga'at momposusi' butong nu belemiu da timbali molalin Peti' Palajanjian nu Tumpu, Tumpu Allah nu aha Israel, oboa i tampat anu pinosadiangkumo.

1 TAWARIKH 15:3

Sahingga i lagamo i Daud iwi-iwi' na mian nu Israel da toka mae i Yerusalem molalin Peti' Palajanjian nu Tumpu oboa i tampat anu pinosadianyomo.

1 TAWARIKH 24:31

De ahamo na mongala bahagian mokalaja, toto samian na tu'anyo nu sa'angu' na auwan tibaa samian na utusnyo ise' mo'ane montoluk onde susumo anu binaumo nu to julu-julu mae nu aha sangga'at aijo'mo to ima-imam lee' mae i Harun. Montoluk onde aijo' nusakisi i Tomundo' Daud tiba i Zadok, i Ahimelekh ka' to tu'a-tu'anyo nu to sa'angu' na auwan hi aha tompukan mae nu to imi-imam ka' hi aha tompukan mae nu aha Lewi.

1 TAWARIKH 24:4

Lee' mae i Itamar binagi ualu' na tompukannyo, panyo lee' i Eleazar binagi sampulu' ka' anom na tompukannyo kalana lee' mae i Eleazar manjoo' na mo'ane anu salaku tu'anyo i sa'angu' na auwan.

1 TAWARIKH 27:1

Ulusan mompalentah kalaja'an nu Israel, nu atun nu to tu'a-tu'anyo nu auwan, to pola-polaya' mae nu aha anu i sa'anakan. Sataun toka sataun o atun toto sa'angu' na tompukan nu mian na anu obee'i kalaja mobolo-bolos kopinnyo sambitu'on, samian na kapala na anu mongatun. Toto sa'angu' na tompukan aha 24.000 na mian. Aiya na sanggo nu to kapa-kapala toto sa'angu' na tompukan nu mian anu obee'i kalaja toto sambitu'on na kopinnyo. Bitu'on momona: i Yosabam anak i Zabdiel (ia mian aha sa'anakan mae i Peres anu minsoop tulunan nu bansa Yehuda.) Bitu'on ko ohua'nyo: i Dodai, lee' mae i ahoni, wakinnyo i Miklot. Bitu'on ko totolu'nyo: i Benaya, anak i Imam Yoyada; ia polaya' nu “Tumpukan nu Tridasawira” (i Amizabad anaknyo na wakinnyo.) Bitu'on ko opatnyo: i Asael utus i Yoab (anu nombolosakon aijo'mo i Zebaya, anaknyo.) Bitu'on ko olima'nyo: i Samhut, lee' mae i Yizrah. Bitu'on ko anomnyo: i Ira, anak i Ikes, anu lengkat mae i kota' Tekoa. Bitu'on ko popitu'nyo: i Heles, lee' mae i Efraim lengkat mae i kota' Peloni. Bitu'on ko ualu'nyo: i Sibkhai, anu lengkat mae i kota' Husa (ia sa'anakan mae i Zerah, tulunan mae nu bansa Yehuda.) Bitu'on ko osio'nyo: i Abiezer, anu lengkat mae i kota' Anatot i da'erah tulunan nu bansa Benyamin. Bitu'on ko sampulu'nyo: i Maharai, lee' mae i Zerah anu lengkat mae i kota' Netofa. Bitu'on ko sampulu'nyomo ka' sa'angu': i Benaya, anu lengkat mae i kota' Piraton i da'erah tulunan mae nu bansa Efraim. Bitu'on ko sampulu'nyomo ka' ohua': i Heldai lee' mae i Otniel anu lengkat mae i kota' Netofa.

1 TAWARIKH 28:1

I Tomundo' Daud nompalentahmo da iwi-iwi' na to pola-polaya' nu aha Israel sihuk i Yerusalem. Jadi to kapa-kapala nu toto sa'angu' mae na tulunan nu bansa anu montoongi pangkat kapalentahan, to kapa-kapala nu aha sa'anakan mae, to mia-mian anu montoa ka' mompalesa halata' ka' potuu'on i tomundo' ka' montoa to ana-anaknyo anu toto momo'ane – osaingkodo-kodo'imo to mia-mian daka' anu ko pangkatnyo i laigan nu tomundo', to sulu-suludadu anu toto tangka-tangkas na pangkatnyo, ka' to mia-mian anu o'angga'i, iwi-iwi' sinihukmo i Yerusalem.

1 TAWARIKH 29:1

Lantas notataemo na i Tomundo' Daud hi mian iwi-iwi' anu sinihuk i kiijo', “Pa' aha sangkuka na to ana-anaku anu to momo'ane, i Salomo na anu pinile'anmo nu Tumpu Allah. Panyo ia daagi' anak ka' ma'isa ko anu nu pisumbu-sumbu', padahan kalajaaiyo talalo hondo daka'. Ka' mule' anu obau aijo' misa' laigan nu tomundo' bau kajojoongan nu manusia, panyo laigan anu obee' hi Tumpu Allah.

2 TAWARIKH 1:3

da mamba tiba ia i tampat ponsomban Tumpu anu kiijo' mae i Gibeon. Aha namba nokiijo' kalana i kiijo' mae na Kemah nu Tumpu anu binau i Musa posaihon nu Tumpu tempo'nyo jinojoong i padang anu mateges.

2 TAWARIKH 29:20

I Tomundo Hizkia madi'mo nontanda'i pipin, ia nolagamo to mia-mian anu talasanggo, lantas aha nambamo hingga-hinggat i Laigan nu Tumpu.