2 SAMUEL 8:2 - KITAB NU TUMPU ALLA LELE MA'IMAI'

² I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

2 SAMUEL 8:2 ပူးပေါင်းရင်းမြစ်များ

2 SAMUEL 12:31

Ka' mule' mian nu kota' aijo' binoamo nu aha ka' pinalentahmo nu aha da momboa galagaji, pason, bobolo' ka' mule' aha binee'anmo kalaja i tampat pombauan batu tela. Sumo aijo' mule' na pinombaunyo to kota-kota' sangga'at anu i da'erah Amon. Lapas aijo' i Daud tiba iwi-iwi' na suludadunyo ninsusule'mo i Yerusalem.

2 SAMUEL 8:6

Lapas aijo' i Daud nombaumo kemah da bau kajojoongan nu to sulu-suludadunyo i da'erah nu aha ka' aha mule' tinulutmo ka' nombayanmo hasin hi ia. I Daud saja'mo pino untung nu Tumpu na nahampate maumo pa' iyaya mae.

1 TOMU-TOMUNDO' 4:21

Toto sangauwan ko ale' nu anggur ka' ale' nu ara. Tempo'nyo i Salomo dagi' tutuu' mian da'isan i songko-songko Yehuda ka' Israel lengkat mae i Dan toka-toka i Bersyeba kantuumu'an nu aha sinanangmo ka' madi'mo ko anu mompoposia. Kalana iwi-iwi' na tomundo' i sasu kinsoban Efrat nabuhukmo hi ia ka' iwi-iwi' na bansa nu to nega-negara anu mompaha o ohani kalaja'annyo nobela'mo tiba ia. Tano' i sasu kinsoban kaunyo nu Efrat lengkat mae i Tifsah i sohipi' nu kaunyo Efrat lau-laus no kiijo' i sasu kinsoban i kota Gaza i da'erah nu aha Filistin toka-toka i pontempasan tiba Mesir, songko-songko kinuasanmo i Salomo. To bansa-bansa i lipu' aijo' nabuhukmo ka' nombayanmo hasin hi ia. Ngangahan nu anu o kaan anu nu palalui i Salomo sansina-sinaa 5.000 liter labu anu i hihikmo, 10.000 liter labu anu ma'isa i hihik, 10 na sapi' anu opangkunakon, 20 na sapi' anu o polapas i padang, ka' 100 na domba ka' sangga'at mule' jonga kijang, menjangan ka' binatang anu lumahap.

2 TOMU-TOMUNDO' 1:1

Salatan sinilakamo na i Ahab tomundo' nu Israel, lipu' Moab notomuhukmo hi aha Israel.

2 TOMU-TOMUNDO' 17:3

Ia pinahampateakon ka' pinatundu'mo i Salmaneser tomundo' nu Asyur sahingga sataun toka sataun ia tionyo ahi' mombayan hasin hi ia.

1 TAWARIKH 18:2

Ka' mule' i Daud nompatundu'mo mian nu Moab sahingga tinundu'mo na aha ka' nombayanmo hasin hi ia.

2 TAWARIKH 26:8

Mian nu Amon mombayan hasin hi Uzia. Kakuasaannyo kino daka-daka'nyomo sahingga sanggonyo tinalasanggomo tinoka-tokamo i Mesir.

MAZMUR 108:9

I Gilead ka' i Manasye Aku na tumpunyo, i Efraim baumo topi wajang-Ku, ka' i Yehuda baumo tokon nu kalaja'an-Ku;

MAZMUR 18:45

To mia-mian anu lengkat mae i salipu'an mongkabuhuk hondo aku ka' tulu-tulutan hondo de mohongomo palentahgku.

MAZMUR 60:10

Panyo Moab baumo tampat pombaso'ian-Ku tengke; Aku montaligalaimo kalana nompatundu'mo Filistea. Hi aha Edom Ku lumbu'akonmo mokiijo' na sapatung-Ku salaku tanda saba' ia aijo' Akumo na tumpu-Nyo.”

MAZMUR 60:8

Lengkat mae kiita' i kajojoongan-Nyo anu susi' hondo Tumpu notataemo mae, “Aku montaligalaimo ka' mombagi-bagimo tano' nu aha Sikem; Bangka'nyo nu Sukot Ku buangakonmo onde.

MAZMUR 83:6

Iwi-iwi' na bansa nosa'angu'mo, ka' nombaumo kasangaja'an mongewamo Belento:

YESAYA 36:16

Boli mohongo i Hizkia! Aku, tomundo' nu Asyur mompoto'i da belemiu mosabat mae atina' ikota' ka' mangakumo kalah. Da belemiu timbali mongkaan bua' nu anggur anu i, ale' nu belemiu ka' monyamit bua' nu ara anu pinosi su'an nu belemiu ka' mule' monginum uee anu iposi bubung nu belemiu,

NOMBILANGMO 24:17

Tinoangkumo na ia panyo misa' uuka aiya; tinanggalakonkumo na ia panyo aku aiya mae majo'on. Samian na tomundo lengkat mae hi aha Israel, saidi' mae toka sumo mandala' anu manjingka hondo. To pola-polaya' nu Moab saidi' mae Nu pateimo bansa Set saidi' mae Nu hopu'imo.

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.

1 SAMUEL 14:47

Salatan i Saul tinimbalimo tomundo' nu aha Israel, ia nahampatemo iyaya mae nongewa iwi-iwi' na sampo bali' nu aha Israel, aijo'mo mian nu aha Amon tiba mian nu aha Edom, to tomu-tomundo' nu aha lipu' Zoba ka' mian nu aha Filistin. Mau iya mae na pahampateannyo ia saja' mohumpak ka untungan na mahampate.

1 SAMUEL 22:3

Lengkat iliang aijo' i Daud nambamo i Mizpa kiijo' mae i Moab, ka' nompoto'imo hi tomundo' nu aha lipu' Moab, “De timbali da tuuma tiba tinangku aiya jojoong pe'e hi belento Tuanku, sampe saidi' mae kusumbu' pa' mosia na koonyo nu Tumpu Allah hi belengku.”

1 SAMUEL 22:4

Lapas aijo' tuumanyo tiba tinanyo aijo' binoanyomo hi tomundo' nu aha Moab, ka' aha jinojoongmo kiijo' mae tempo'nyo i Daud daagi saja' lewa' maninsuluk i liang.