2 SAMUEL 8:16 - KITAB NU TUMPU ALLA LELE MA'IMAI'

^16-17 Aiya na to mia-mian anu ko pangkatnyo matangkas anu ihangkat i Daud: Talenga' nu suludadu: i Yoab anak i Zeruya; Julutulis nu anu mokalaja i laigan nu tomundo' i Yosafat anak i Ahilud; To ima-imam: i Zadok anak i Ahitub, ka' i Ahimelekh anak i Abyatar; Julutulis nu kalajaan: i Seraya.

2 SAMUEL 8:16 ပူးပေါင်းရင်းမြစ်များ

2 SAMUEL 18:2

Lantas sinainyomo namba nahampate na aha, binaginyo totolu' na gombuannyo ka' anu nongkapalai toto sanggombu: i Yoab, i Abisai utus ise' i Yoab ka' i Itai anu nolengkat mae i Gat. I Daud notatae hi to sulu-suludadunyo haha aijo', “Aku suele mamba hingga-hinggat tiba belemiu.”

2 SAMUEL 19:13

Ka' mule' i Daud nompokaumo aha da mompoto'i hi Amasa sumo uuka, “Temisa' beleyum suele julungku mae ahi'? Uuka aiya beleyum ku hangkatmo bau talenga' nu suludadungku pombolosi i Yoab. Tumpu Allah na monsilakai mae aku de madi' ku totu'ui na anu tinaloakonkumo aiya!”

2 SAMUEL 2:13

Ka' suele i Yoab (tinanyo sanggonyo i Zeruya) tiba suele suludadu i Daud nambamo i kota' aijo'. Ohu-ohua' na gombuan nu suludadu anu mompaha bali' aijo' nompaha ahopmo ikolam Gibeon; i Abner tiba to sanga-sangalunyo sinumuhang i santoanyo sasu aijo' mae, i Yoab tiba to sanga-sangalunyo sinumuhang i santoanyo sasu aijo' mae.

2 SAMUEL 8:15

Sumo aijo' na i Daud nompalentah songko-songko na Israel ka' nu jaga da mian anu nu palentah, opalentah ma'i-ma'ma' adin.

2 TOMU-TOMUNDO' 18:18

Lantas aha nolobo'imo nolaga i Tomundo' Hizkia. Sahingga aha totolu' na mian anu ko pangkatnyo mokalaja hi tomundo' nosabatmo mae nonsingkaboti aha. Aha totolu' na mian anu ko pangkatnyo aijo'mo, i Elyakim anak i Hilkia kapala nu anu mongkalesang laigan nu tomundo', i Sebna gulu tulis nu negara, ka' i Yoah anak i Asaf gulu tulis i laigan nu tomundo'.

2 TOMU-TOMUNDO' 18:37

Sahingga i Elyakim, i Sebna ka' i Yoah nombea-beakmo baju' nu aha, salaku tanda talalomo hondo sinusa' na kinyonyoa nu aha, lantas nambamo pinoto'i nu aha hi tomundo' apaa na anu pinoto'imo nu suludadu nu Asyur anu matangkas na pangkatnyo aijo'.