2 SAMUEL 8:15 - KITAB NU TUMPU ALLA LELE MA'IMAI'

¹⁵ Sumo aijo' na i Daud nompalentah songko-songko na Israel ka' nu jaga da mian anu nu palentah, opalentah ma'i-ma'ma' adin.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

nu poto'imo i Absalom, “De koonyo nu atulan, na beleyum na kona ahi' madi' sala', panyo ola sala'nyo madi' ko wakin nu tomundo' anu mohongo palakala nu kalak atina'.”

2 SAMUEL 20:23

Aiyamo na mian anu singkap ko ko pangkatnyo matangkas anu ihangkat i Daud. Talenga' nu aha Israel iwi-iwi'; i Yoab. Anu mongkapalai gombuan nu suludadu anu monjagai i Daud; i Benaya anak i Yoyada.

2 SAMUEL 3:12

Lantas i Abner nonsaimo mian namba hi Daud anu tempo'nyo aitu kiijo' i Hebron nomboa potuunon, “Ihe na anu mongkuasai tano' aiya? Mombau me palajanjian tiba aku da ku tulungi na belento Tuanku da songko-songko na bansa Israel monsangaja'imo belento Tuanku!”

2 SAMUEL 5:5

Kiijo' i Hebron ia nompalentahmo Yehuda pinopitu' ka' mintonga' na taun na kinopinnyo, ka' kiijo' i Yerusalem ia nompalentah tinolumpulu' ka' totolu' na taun songko-songko na Israel tibamo Yehuda.

2 SAMUEL 8:14

Ia nombaumo kemah da bau kajojoongan nu suludadunyo i songko-songko na Edom, ka mian nu Edom iwi-iwi' tinulutmo hi ia. Tumpu saja'mo nompo untung i Daud mahampate maumo pa' iyaya mae.

2 SAMUEL 8:16

Aiya na to mia-mian anu ko pangkatnyo matangkas anu ihangkat i Daud: Talenga' nu suludadu: i Yoab anak i Zeruya; Julutulis nu anu mokalaja i laigan nu tomundo' i Yosafat anak i Ahilud; To ima-imam: i Zadok anak i Ahitub, ka' i Ahimelekh anak i Abyatar; Julutulis nu kalajaan: i Seraya.

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TOMU-TOMUNDO' 4:1

I Salomo tinimbalimo tomundo' i lipu' nu aha Israel songko-songko.

1 TAWARIKH 18:14

Sumo aijo' na i Daud nompalentah songko-songko na Israel ka' nonjagai da mian da'isan saja' opalentah adin ka' ma'ima'.

MAZMUR 119:121

Aku nombaumo anu adin ka' anu totu'u, boli obee' na aku hi lima nu mian anu mongewa mae.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

MAZMUR 75:2

Kami monsombah Belento, o Tumpu, kami montalima kase, hi Belento ka' mombebakonmo kalaja nu Belento anu talalo hondo okabangangi.

MAZMUR 89:14

Talalo hondo daka' na kuasa nu Belento ka' talalo hondo daka' na kahosonan nu Belento!

YESAYA 9:7

Tumpu nonabu'akonmo hukuman hi aha kalaja'an Israel.

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

AMOS 5:24

Lebe ma'ima' bala usaha da ka'adinan mo ili susumo uee ka' kahondoan susumo kaunyo anu madi' toho' mo'oti.

IBRANI 11:33

Kalana bala'iman, sahingga aha nompatundu'mo iwi-iwi' na kalaja'an. Aha nombaumo anu totu'u imata nu Tumpu, sahingga nohumpakmo apaa na anu jinanji'mo nu Tumpu. Ginunggumanmo nu aha na nganga' nu to singa-singa,

1 SAMUEL 14:47

Salatan i Saul tinimbalimo tomundo' nu aha Israel, ia nahampatemo iyaya mae nongewa iwi-iwi' na sampo bali' nu aha Israel, aijo'mo mian nu aha Amon tiba mian nu aha Edom, to tomu-tomundo' nu aha lipu' Zoba ka' mian nu aha Filistin. Mau iya mae na pahampateannyo ia saja' mohumpak ka untungan na mahampate.