2 SAMUEL 8:11 - KITAB NU TUMPU ALLA LELE MA'IMAI'

^11-12 I Tomundo' Daud nonsombahkonmo palasen haha aijo' iwi-iwi' hi Tumpu, da ogunakon de monsombahmo Tumpu. Sumo aijo' suele na mosoni' tiba salaka anu pinahuhuakonnyo mae hi Hadadezer tiba hi to bansa-bansa sangga'at anu pinatundu'nyomo aijo'mo bansa Edom, Moab, Amon, Filistin tiba Amalek.

2 SAMUEL 8:11 ပူးပေါင်းရင်းမြစ်များ

2 SAMUEL 8:10

Sahingga ia nonsaimo anaknyo momo'ane i Yoram da mamba mompotokakon salando'anyo hi Tomundo' Daud ka' mompotoka suele talima kase kalana ia inguntungmo na nahampate kalana i Hadadezer toho'mo nahampate tiba i Tou. I Yoram nambamo hi Daud nomboa mosoni' manjoo' hondo bau palasen ka' mule' tambaga tiba salaka.

1 TOMU-TOMUNDO' 7:51

Salatan i Tomundo' Salomo noko potimbalimo Laigan nu Tumpu, pinaha po'una'nyomo i uno nu gudang nu Laigan aijo', iwi-iwi' na salaka', mosoni' ka' to paka-pakakas sangga'at apaa na anu sinombahkonmo i Daud tuumanyo, hi Tumpu.

1 TAWARIKH 18:11

Iwi-iwi' na palasen aijo' sinombahkon i Daud hi Tumpu da ogunakon de monsombahmo Tumpu. Susumo aitu suele na ia nombau pakakas mosoni' ka' salaka anu pinahuhuakonnyo mae hi Hadadezer ka' to bansa-bansa anu pinatundu'nyomo, aijo'mo bansa Edom, Moab, Amon, Filistin ka' Amalekh.

1 TAWARIKH 29:2

Pakakas anu obau laigan aijo' tibamo pakakas bau pongisinyo pinotoukamo totu-totu'u nu kamampuanku iwi-iwi'. Pinotoukangkumo na mosoni', salaka, tambaga, besak, kau', to batu-batu anu mahan na olinyo ka' to batu-batu mainan, to batu-batu anu monga-ngahan na buhitnyo anu bau pombunga-bungai, ka' manjoo' hondo na batu anu biasa opapu bau tiilon.

2 TAWARIKH 5:1

Salatan ilapasmo na i Tomundo Salomo nombau Laigan nu Tumpu aijo', pino'una'nyomo iwi-iwi na salaka, mosni', i gudang nu laigan aijo' ka' talakonan tiba pakakas sangga'at anu sinombahkonmo i Daud, tuumanyo hi Tumpu.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”