2 SAMUEL 7:6 - KITAB NU TUMPU ALLA LELE MA'IMAI'

⁶ Salatanmo pe'e bansa Israel pinobebas-Ku lengkat mae i Mesir sangkutnyo uuka aiya ma'isa Aku jinojoong i sa'angu' na laigan panyo ola ahi' saja' mamba moyaya ka' jojoong i sa'angu' na kemah.

2 SAMUEL 7:6 ပူးပေါင်းရင်းမြစ်များ

2 SAMUEL 11:11

Tinaaman i Uria, “Suludadu nu Israel tiba Yehuda hau-haunyo kiijo' mae mahampate taha-tahahumo ka' Peti' Palajanjian nu Tumpu na monsangalui aha; i Yoab talenga' mami tiba to sulu-suludadu anu matangkas na pangkatnyo binakemah'mo i padang. Toho' mule' na aku aiya minsusule' ilaiganku, ka' mongkaan ka' monginum ka' mule' hoyotmo tiba bengkele'ku? Kalana monsawan nyawa nu belento Tomundo' tiba mule' nyawangku, aku madi' mombau han aijo'!”

SISIKON NU TO RASUL-RASUL 7:44

Kemah katokaan nu Tumpu hi mian ola kiijo' hi mompolee'to i padang bone'. Kemah aijo' binau kalana palentah nu Tumpu hi Musa ka' mombatuki sonto' anu pinotoa nu Tumpu Allah hi Musa.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

PO'ULE' INGULIT 23:14

Tumpu nu belemiu na montoa belemiu i kemah miu ka' monjagai belemiu ka' mombee'i belemiu ka'untungan de mahampatemo tiba sampobali' nu belemiu. Jadi sabole-bole o inau' da kemah miu tataap belesi'. Boli sampe daagi' ko apa-apaa anu madi' singkosok atina' hi belemiu, da belemiu boli nupala'i nu Tumpu.”

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

ANU PINOTO'I HI YOHANES 2:1

“Toka hi malaikat anu kiijo' i jama'at nu Efesus, tulismo sumo uuka: Aiyamo na potuunon lengkat mae hi Ia anu montoongi popi-popitu' na mandala' i lima koanan-Nyo, ka' i lumajang i olot nu popi-popitu' na tengke nu sulu' mosoni' aijo'.

TO MIA-MIAN KOPIAN 20:27

Tempo'nyo aitu Peti' Palajanjian nu Tumpu Allah kiijo' i Betel, ka' i Pinehas, anak i Eleazar, makumpu i Harun, na mokalaja salaku imam. Sahingga aha mian nu Israel nompokilawamo hi Tumpu, “O Tumpu, pa' tionyo ahi' kami daagi' mamba mompahampateakon to utu-utus mami mian nu Benyamin haha aijo', kabai pa' madi'mo kami aiya mamba mahampate?” Tumpu nontaami, “Tumbuhimo na aha! Dodop Ku bee'imo ka'untungan mahampate na belemiu.”