2 SAMUEL 7:29 - KITAB NU TUMPU ALLA LELE MA'IMAI'

²⁹ Kalana aijo' ku kakaase de timbali balakatiakon mae na lee'ku da sampe toka sidu-sidutu' aha saja' mongoa'i kalibosan nu belento. O, Tumpu Anu Matangkas na kakuasa'an, iwi-iwi' aijo' jinanji'mo nu belento. Sahingga lee'ku sabole-bole ahi' obalakatiakon mae nu belento sampe toka sidu-sidutu'.”

2 SAMUEL 7:29 ပူးပေါင်းရင်းမြစ်များ

2 SAMUEL 22:51

Tumpu Allah nompo untungmo hondo nahampate na i tomundo' anu i hangkat-Nyomo; Ia tataap mongkalibosi mian anu pinile'an-Nyomo, aijo'mo i Daud tiba lee'nyo sampe toka sidu-sidutu'.

2 SAMUEL 8:1

Madi' pinin ilapas na aijo' i Tomundo' Daud nontumbuhimo mule' mian nu Filistin. Pinatundu'nyomo na aha ka' ingalanyomo na tano' nu aha.

1 TAWARIKH 17:27

Kalana aijo' kukakase, de tibali balakatiakonmo mae na lee'ku da sampe toka sidu-sidutu' aha saja' mongoa'i kalibosan nu Belento. Kalana belento nombalakatimo mian anu pinalesayamo hi belento, o Tumpu sahingga aha saja' obalakati sampe toka sidu-sidutu'.”

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.