2 SAMUEL 7:18 - KITAB NU TUMPU ALLA LELE MA'IMAI'

¹⁸ Lantas ninsoopmo na i Tomundo' Daud i uno nu kemah nu Tumpu. Ia sinumuhangmo ka' binala do'amo, “O, Tumpu Anu Matangkas na kakuasa'an aku tiba kami salaigan madi' pantas mohumpak anu ma'ima' iwi-iwi' apaa na anu pinotoamo nu belento Tumpu hi belengku, sumo uukamo na kinopinnyo.

2 SAMUEL 7:18 ပူးပေါင်းရင်းမြစ်များ

KAJADIAN 32:10

Aku madi' pantas montalima iwi-iwi' na kalibosan ka' kanonongan anu pinotoamo nu Tumpu hi belengku. Tempo'nyo aku nambamo mae notaap i Kaunyo nu Yordan, aku madi' mae nomboa apa-apaa, boli mompiakon tokon. Uuka aiya aku minsusule'mo mae tiba ohua' na tompukan aiya.

KAJADIAN 32:11

Sabole-boleh ku poita, posalamatakon mae na aku hi utusku tu'a i Esau. Aku mabuhuk boli-boli ia tokamo mae ka' mompateimo mae kami iwi-iwi', sumo aitu mule' boune ka' to ana-anak.

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

2 SAMUEL 7:17

Lantas pinoto'imo i Natan hi Daud iwi-iwi' apaa na anu pinonyata'mo nu Tumpu Allah hi ia.

1 TAWARIKH 17:16

Lantas ninsoopmo na i Daud i Kemah nu Tumpu. Ia sinumuhangmo ka' binalado'a, “O Tumpu Allah, aku ka' auwanku madi' pantas mohumpak iwi-iwi' na ka'ima'an anu pinotoamo nu Belento hi belengku sumo uukamo na kinopinnyo.

1 TAWARIKH 29:14

Aku ka' mianku aiya totu-totu'u madi' moko ala mombee'i apa-apaa hi belento, kalana iwi-iwi' na anu binee' nu Belento ka' apaa na anu obee' mami aiya, belento ahi' suele na tumpunyo.

MAZMUR 8:4

De ku sinda mokiita' na langit anu pinotimbalimo nu Belento bitu'on ka' to manda-mandala' anu pinokonamo aita' mae nu Belento,

NOSABATMO 3:11

Panyo i Musa notatae hi Tumpu Allah, “Ihe na aku aiya, sahingga moko ala mangadap hi tomundo ka' momboa mian nu aha Israel mosabat lengkat i Mesir?”

YESAYA 37:14

Tinalima i Hizkia na sulat aijo' hi aha to mia-mian anu sinai mae aijo' ka' binasa'nyomo. Lapas aijo' ia nambamo i Laigan nu Tumpu ka' nombokamo sulat aijo' hi ahop nu Tumpu

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

TO MIA-MIAN KOPIAN 6:15

Tinaaman i Gideon, “Mosiamo na aku, Tumpu? Iya na jadi ku poko ala molapasakon mian nu Israel da bolimo nukuasai nu aha mian Midian. Hi tulunan nu bansa Manasye kamimo na mian anu madi' baani ka' mahoson. Ka' hi kami sampoto utusan akumo na anu madi' ko kaliangannyo.”

I RUT 2:10

Nohongo potatae aijo', i Rut tinolodadupumo hi ahop i Boas ka' notatae, “Kita Tuuma, misa' konanyo na aku mohumpak ka'ima'an lengkat hi belento Tuumangku. Aku aiya mian anu lengkat mae i salipu'an ka' madi' pantas otoa mae nu belento Tuumangku!”

1 SAMUEL 15:17

I Samuel notataemo, “Te misa' belento Tomundo' tinimbalimo pamalentah hi aha to tulu-tulunan nu bansa Israel maumo ahi' belento Tomundo'mongakui butong nu belento madi' penting? Belento Tomundo' pinile'anmo nu Tumpu da timbali Tomundo hi aha Israel.

1 SAMUEL 18:18

Tinaaman i Daud, “Ihemo ahi' na aku aiya ka' suele ihemo ahi' na toutu-utus nu tuumangku anu madi' mingkaliangan hi aha mian nu Israel, sahingga aku aiya timbalimo monian nu belento Tomundo?”

1 SAMUEL 9:21

Tinaaman i Saul, “Aku aiya tulunan mae nu aha bansa Benyamin, tulunan nu bansa anu sangkiding hondo hi aha Israel ka' mule' to utu-utuskumo na anu madi' hondo ko alati'nyo hi aha tulunan nu bansa aijo'. Jadi kadaka' kita Tuuma motataemo sumo itina' hi belengku?”