2 SAMUEL 7:14 - KITAB NU TUMPU ALLA LELE MA'IMAI'

¹⁴ Aku timbalimo tuumanyo ka' ia baumo anak-Ku mo'ane. De ia mombau kasala'an ia Ku hukum susumo samian na tuuma mohukum anaknyo.

2 SAMUEL 7:14 ပူးပေါင်းရင်းမြစ်များ

1 TOMU-TOMUNDO' 11:34

Maumo sumo aijo' Aku madi' mongala iwi-iwi' na kalaja'annyo aijo' hi ia. Ia daagi Ku pobee' mompalentah de ia ma'isa silaka. Han aijo' Ku bau kalana monginau' i Daud posaihon-Ku aijo' anu pinile'an-Kumo ka' mule' anu nontulutimo atulan-Ku ka' mule' palentah-ngKu iwi-iwi'.

1 TOMU-TOMUNDO' 9:6

Panyo' de beleyum kabai lee' nubeleyum mohikumo Aku, ka' madi'mo montuluti atulan-Ku ka' palentah-ngKu haha aijo' ka' mule' beleyum monsombahmo to pilo-pilogot sangga'at,

1 TAWARIKH 17:13

Aku na timbali tuumanyo ka' ia timbalimo anak-Ku momo'ane. Aku saja' mombau anu ma'ima' hi ia susumo anu jinanji'-Kumo. Anu jinanji'-Kumo sabole-bole Ku toongi, madi' susumo anu binaung-Kumo hi Saul anu madi'mo bine'an-Ku pangkat, da beleyum na timbali tomundo'.

1 TAWARIKH 22:10

Anakmo nu beleyum aijo' momo'ane na mombau laigan bau ponsomban Aku. Ia timbalimo anak-Ku ka' Aku timbalimo tuumanyo. Kasuhanganku mompalentah Israel saja' sabole-bole hi lee'nyo sampe toka sidu-sidutu'.”

1 TAWARIKH 28:6

Tumpu nompoto'imo hi belengku sumo uuka: “I Salomo anak nu beleyum na mombau laigan kajojoongan-Ku. Ia pinile'an-Kumo baumo anaku, ka' Aku baumo tuumanyo.

AYUB 5:17

Untung na beleyum de daagi' nupisala'i nu Tumpu Allah na beleyum! Boli ise-ise' na kinyonyoa de nu alu na beleyum.

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

2 KORINTUS 6:18

Aku timbalimo Tuuma miu, ka' komiu timbalimo to ana-anak-Ku, sumo aitu na koonyo nu Tumpu Anu Matangkas na kuasanyo.”

PO'ULE' INGULIT 8:5

O inau' ahi' kalana Tumpu Allah nu belemiu nongajanmo belemiu susumo samian na tuuma nongajanmo to ana-anaknyo.

IBRANI 1:5

Madi' toho' Tumpu notatae sumo uuka hi samian pe'e na malaikat; “Beleyumo na Anak-Ku; sinaa aiya Aku timbalimo Tuuma nu beleyum.” Ka' mule' madi' toho' Tumpu notatae sumo uuka mau mule' kona hi malaikat anu pa' iyamae, “Akumo na timbali Tuumanyo, ka' ia timbalimo Anakku.”

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.