2 SAMUEL 6:20 - KITAB NU TUMPU ALLA LELE MA'IMAI'

²⁰ Tempo'nyo i Daud ninsusule'mo ilaigan nu tomundo' kaka jojoongannyo ka' nonsalando'aimo bengkele' tiba to ana-anaknyo, i Mikhal nosabatmo mae nolalabot i Daud ka' notatae, “Sinaa uuka tomundo' nu Israel totu-totu'u nombaumo butongnyo da o adati! Ia nilanggomo susumo mian anu ponga' anu madi'mo na ambang i ahop nu to bou-boune aijo'mo to posa-posaihon nu aha mian anu ko pangkatnyo anu mokalaja ilaigan nu tomundo'!”

2 SAMUEL 6:20 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

2 SAMUEL 6:14

Lapas aijo' i Daud lebemo hondo nonsalelei salaku bau pongadatinyo Tumpu. Tempo'nyo aitu ia ola nompusok, lipa' lenan kodo-kodo' pinotapi'nyo.

2 SAMUEL 6:16

Salatan Peti' aijo' hau-haunyomo minsoop i kota' i Mikhal anak boune i Saul nontoamo mae itolongan ka' nontoamo i Tomundo' Daud nahalumpatanmo na nonsalelei salaku bau pongadatinyo TUMPU, i Mikhal nompai nolua'imo na nontoa i Daud.

2 SAMUEL 6:18

Lantas binalakatannyomo na aha mian nu Israel i uno nu sanggo nu Tumpu Anu Daka' na kuasanyo.

2 SAMUEL 6:19

Lapas aijo' binagi-baginnyomo anu okaan na aha iwi-iwi'. Toto samian na aha anu ikiijo' to momo'ane tiba to bou-boune binee'annyo sampadot na ponoha' anu tinunuanmo, roti tiba kukis kismis. Lapas aijo' aha iwi-iwi' ninsusule'mo ilaigan nu aha toto samian.

1 TAWARIKH 16:43

Lapas aijo' mian iwi-iwi' ninsusule'mo i laigannyo toto samian. Sumo aitumo suele na i Daud ninsusule'mo namba nontoa auwannyo.

AYUB 30:8

Sanggo nu aha i madi'an ka' madi' ko angga'nyo, to mia-mian anu i laa'mo mae lengkat i lipu' nu aha.

MAZMUR 101:2

Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

ANU MOMPOLELE POTATAE NU TUMPU 7:17

Boli mule' ahi' talalo ma'idek na kinyonyoa kabai talalo ponga'. Apaa na gunanyo de silaka ma'isa pe'e toka i tempo'nyo!

MARKUS 14:66

Hau-haunyo i Petrus daagi aijo' i natan, sala'samian posaihon boune lengkat hi imam daka' tinoka i kiijo'.

MARKUS 3:21

To mia-mian notatae, “Ia ingulawonmo!” Ka' salatan ihongo nu to utu-utus-Nyo na han aijo', aha nambamo nompoboa Ia.

YOHANES 13:6

Salatan tinoka na Ia hi Simon Petrus anu notatae, “Tumpu, te toho' kita Tumpu na mombaso'i tengkengku?”

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

TO MIA-MIAN KOPIAN 9:4

Lapas aijo' aha nombee'imo ia pitumpulu' na doi salaka anu ingala i laigan ponsomban Baal-Berit. Doimo aijo' na pinontamboi i Abimelekh gombuan nu aha to mia-mian anu madi' talakana' da mosa'angu' tiba ia,

1 SAMUEL 14:49

Anak anu to momo'ane i Saul aijo'mo, i Yonatan, i Yismi tiba i Malkisua. Anaknyo boune anu tumpenyo sanggonyo i Merab, ka' tuenyo sanggonyo i Mikhal.

1 SAMUEL 18:20

I Mikhal anak langkoyang i Saul anu sangga'at nongka'ima'imo i Daud. Salatan ihongomo i Saul na aijo' ia suele sinitujumo.