2 SAMUEL 6:18 - KITAB NU TUMPU ALLA LELE MA'IMAI'

¹⁸ Lantas binalakatannyomo na aha mian nu Israel i uno nu sanggo nu Tumpu Anu Daka' na kuasanyo.

2 SAMUEL 6:18 ပူးပေါင်းရင်းမြစ်များ

KAJADIAN 14:19

lantas nombalakatimo i Abram, ia notatae, “O' amalakon da Tumpu Allah Anu Matangkas hondo na kuasanyo, anu nompotimbalimo langit ka' tano' mombalakati i Abram!

2 SAMUEL 6:19

Lapas aijo' binagi-baginnyomo anu okaan na aha iwi-iwi'. Toto samian na aha anu ikiijo' to momo'ane tiba to bou-boune binee'annyo sampadot na ponoha' anu tinunuanmo, roti tiba kukis kismis. Lapas aijo' aha iwi-iwi' ninsusule'mo ilaigan nu aha toto samian.

1 TOMU-TOMUNDO' 8:14

Noko lapas binalado'a i Tomundo' Salomo nongahopimo mian da'isan iwi-iwi' anu hau-haunyo tinjo-tinjo i kiijo', lantas nompoitakonmo balakat hi Tumpu Allah toka hi aha.

1 TOMU-TOMUNDO' 8:15

Ia notatae, “Naipuan mae Tumpu nojanji'mo hi tuumangku i Daud, sumo uuka, 'Saltanmo pe'e Aku nomboa mian anu pinalesayamo hi beleng-Ku nosabat mae i Mesir, songko-songko na lipu' nu Israel mae pe'e sa'angu' na kota madi' ko anu pinile'an-Ku da timbali tampat pombauan laigan bau ponsomban Aku. Panyo beleyum Daud pinile'an-Kumo da mompalentah mian anu pinalesayamo hi beleng-Ku.' O Puji' na Tumpu Allah Israel anu nongganapimo janji'-Nyo aijo'!”

1 TOMU-TOMUNDO' 8:55

Noko lapas aijo' ia tinuminjomo, ka' ia notataemo daka-daka' nomoita hi Tumpu Allah da obalakati na mian iwi-iwi' anu sinihukmo i kiijo', ia notatae,

1 TAWARIKH 16:2

Noko lapas na i Daud nonsombahkon koloban haha aijo', ia nombalakatimo mian da'isan, i uno nu sanggo nu Tumpu,

2 TAWARIKH 30:27

To ima-imam ka' mian nu aha Lewi nompoitamo da nu balakati nu Tumpu na aha mian da'isan ka' da kiita' mae i suluga' kajojoongan-Nyo Tumpu Allah mohongoakon mae do'a nu aha ka' mohalala'akon mae apaa na anu nupoita nu aha.

2 TAWARIKH 31:8

Salatan tinoamo na konjo'nyo apaa na anu binee'mo nu aha aijo', i Tomundo Hizkia ka' to mia-mian anu ko pangkatnyo nompuji'mo Tumpu ka' nompuji'mo mian da'isan aha mian Israel, mian anu pinalesayamo hi Ia.

2 TAWARIKH 6:3

Noko lapas na binalado'a, i Tomundo nosiloimo nontoa mian da'isan iwi-iwi', anu hau-haunyo tinjo-tinjo i kiijo', lantas ia binalado'amo nomoita da aha obalakati.

MAZMUR 129:8

To mia-mian anu motulu madi' montaloakon, “O'amalakon da beleyum nu balakati nu Tumpu kami mombalakati beleyum hi sanggo nu Tumpu.”

NOSABATMO 39:43

I Musa nompalesamo iwi-iwi' ka' tinoanyomo taalu' aha nombaumo madi' sinala' susumo anu pinalentahkonmo nu Tumpu. Lantas binalakatanmo i Musa na aha.

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

YOSUA 22:6

Lapas aijo' i Yosua nompatantumo ka' nompobee'mo aha minsusule' i da'erah nu aha ka' nompotuun sumo uuka, “Belemiu tempo' uuka kinayamo ka' belemiu minsusule'mo lantas momboamo potu'on manjoo', salaka, mosoni', tambaga, besak, ka' hude. Obagi-bagiakon suele na balang anu pinahuhuakon miu aijo', obee' hi to mia-mian sangga'at anu bubuu' sangko tulunan nu bansa miu.” Sahingga tulunan nu bansa Ruben, Gad tiba tulunan mae nu bansa Manasye anu kiijo' mae sasu kabete'an Yordan aijo' nompala'imo aha mian nu Israel sangga'at, ka' nambamo lengkat i Silo i da'erah Kana'an nambamo i posi tano' nu aha i da'erah Gilead. Aha jinojoongmo i tano' aijo' susumo anu pinalentahkonmo nu Tumpu hi Musa. (Sambagian na tulunan nu bansa Manasye nohumpakmo hi Musa, tano' i sasu kabete'an Kaunyo nu Yordan, ka' sambagian na tulunan nu bansa Manasye sangga'at nohumpakmo hi Yosua tano' i sasu kinsoban Kaunyo nu Yordan hingga-hinggat tiba iwi-iwi' na tulunan nu bansa sangga'at.)