2 SAMUEL 6:11 - KITAB NU TUMPU ALLA LELE MA'IMAI'

¹¹ Peti' Palajanjian aijo' jinojoongmo ikiijo' tinotolu' na bitu'on na kinopinnyo, ka' i Obed-Edom tiba aha salaigan binalakatanmo nu Tumpu.

2 SAMUEL 6:11 ပူးပေါင်းရင်းမြစ်များ

KAJADIAN 30:27

I Laban notataemo hi ia, “Hongo pe'e: Ingoa'ankumo na Tumpu nombalakatimo mae aku kalana beleyum.

KAJADIAN 39:23

Kapala nu talungku' aijo' madi'mo daagi' monjagai iwi-iwi' anu pinalentahkonnyomo hi Yusuf, kalana Tumpu nontulungimo ia, sahingga ningkalianganmo iwi-iwi' na anu binaunyo.

KAJADIAN 39:5

Mulai tempo'nyo aitu kalana i Yusuf, Tumpu nombalakatimo aha salaigan mian nu Mesir aijo' ka' iwi-iwi' apaa na halata' nu aha, mau anu i laigan ka' suele anu i ale'.

2 SAMUEL 6:10

Kalana aijo' ia madi'mo nongka'oho' nomboa Peti' Palajanjian aijo' oboa i Yerusalem, panyo pino una'nyomo hi laigan i Obed-Edom mian nu Gat.

1 TAWARIKH 26:4

Ka' mule' suele i Obed-Edom. Ia nubalakati nu Tumpu Allah ko anaknyo mo'ane aha 8 na anu tinulismo i daputan binatukakon i tatusan nu umun nu aha: i Semaya, i Yozabad, i Yoah, i Sakhar, i Netaneel,

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.