2 SAMUEL 5:7 - KITAB NU TUMPU ALLA LELE MA'IMAI'

^7-9 I Daud notataemo hi to sulu-suludadunyo, “Pa' daagi ko mian anu aiya hi kita mongka'ideki mian nu Yebus susumo aku suele mongka'ideki aha? Totu-totu'u ahi' na ia mongka'ideki aha sahingga o jujuhi' ahi'na mompatei aha? De sumo uuka yo pinsoopmo montulu jalan mae nu uee ka' paha pateimo na anu to pengko-pengko' tiba anu to mapi-mapisok anu ku ku ka'ideki aijo'.” (Mokonyo aijo' tinaloakonmo nu mian, “Mian anu mapisok tiba mian anu pengko' madi' timbali minsoop hi laigan nu Tumpu.”) I Daud noko alamo nongkuasai benteng nu Sion ka' jinojoongannyomo. Ka' sinanggohannyomo “Kota' Daud”. Kota aijo' binaunyo montotonga'i benteng aijo' tinampu'unan lengkat pe'e mae i sasu kabete'an na lewa' tinambunan nu tano' tangka-tangkas sahingga nabungkutmo.

2 SAMUEL 5:7 ပူးပေါင်းရင်းမြစ်များ

2 SAMUEL 6:10

Kalana aijo' ia madi'mo nongka'oho' nomboa Peti' Palajanjian aijo' oboa i Yerusalem, panyo pino una'nyomo hi laigan i Obed-Edom mian nu Gat.

2 SAMUEL 6:12

Salatan ihongomo i Daud na i Obed-Edom ka' aha salaigan ka' mule' iwi-iwi' apaa na anu daagi hi aha, binalakatanmo nu Tumpu kalana Peti' Palajanjian pinojoongmo hi aha. Sahingga ia nambamo hi laigan i Obed-Edom nongala Peti' aijo' ka' ilalinnyomo namba i Yerusalem ka' nombaumo bau-bauon na aha nolame'akon Peti' aijo'.

2 SAMUEL 6:16

Salatan Peti' aijo' hau-haunyomo minsoop i kota' i Mikhal anak boune i Saul nontoamo mae itolongan ka' nontoamo i Tomundo' Daud nahalumpatanmo na nonsalelei salaku bau pongadatinyo TUMPU, i Mikhal nompai nolua'imo na nontoa i Daud.

1 TOMU-TOMUNDO' 2:10

Lapas aijo' i Daud sinilakamo ka' i lamunmo i Kota Daud.

1 TOMU-TOMUNDO' 3:1

I tomundo' nosangaja'mo tiba Mesir kalana ia nongka'ima'imo langkoyang nu tomundo' Mesir. Langkoyang aijo' binoamo i Salomo i kota Daud da jojoongmo kiijo' mae sampe timbalimo na laigan nu Tomundo' ka' laigan nu Tumpu tiba benteng titikup Yerusalem opoko baumo.

1 TOMU-TOMUNDO' 8:1

Lapas aijo' i Tomundo' Salomo nompalentahmo iwi-iwi' anu mongkapalai tulunan nu bansa ka' mian nu bansa Israel da toka mae hi ia i Yerusalem da olalinmo na Peti' Palajanjian nu Tumpu nu lengkat i Sion, Kota Daud mambamo mo kiijo' i Laigan nu Tumpu.

1 TOMU-TOMUNDO' 9:24

Tano' anu i sasu selatan Laigan nu Tumpu tinambunan i Salomo, salatan bengkele'nyo, anak nu tomundo' Mesir, nolalilinmo mae i Kota Daud nambamo i laigan nu tomundo' anu binau i Salomo da pompojoongan ia.

2 TAWARIKH 24:16

Ia i lamun i pinolamunan to tomu-tomundo i kota' Daud salaku bau pongadati apa-apaa na anu binaunyomo hi Tumpu Allah, hi Laigan nu Tumpu, ka' hi mian Israel anu pinalesayamo hi Tumpu.

2 TAWARIKH 5:2

Lapas aijo' i Tomundo Salomo nompalentahmo iwi-iwi' na to pola-polaya' nu aha tulunan nu bansa ka' aha sa'anakan mae anu minsoop bansa Israel da sihuk mae i Yerusalem, da olalinmo na Peti' Palajanjian nu Tumpu lengkat mae i Sion oboa mamba i Laigan nu Tumpu.

MAZMUR 132:13

Kalana Tumpu nompile'imo Sion; Ia mongkahanda'i tampat bau kajojoongan-Nyo.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 48:12

Sahanyo layat nu Sion tiba Yehuda montaligalaimo ka' lame'mo, kalana Belento nohukumo anu mongewa mae aha.

MAZMUR 48:3

Sion, puge'nyo nu Tumpu natunjomo ma'ima' hondo kota' nu Tomundo' anu Talasanggo momposanang songko-songko na dunia.

MAZMUR 51:18

Belento madi' mongka'ima'i koloban anu okolot; de maluanyo aku monsombahkon kiloban anu opotunu, Belento madi' ahi' mongka'ima'i.

MAZMUR 87:2

Iwi-iwi' na kota' i Israel, Yerusalemo na anu talalo hondo nu kalibosi.

MAZMUR 9:11

Mian anu monsumbu' Belento montaha'imani hondo Belento, o Tumpu, mian anu monsombah Belento madi' nupala'i nu Belento.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 59:20

Tumpu notataemo hi mian anu palesayamo hi Ia, “Aku tokaje mae i Yerusalem da momposalamat belemiu iwi-iwi' anu binala tobatmo i dosa' nu belemiu haha atina'.

YEREMIA 21:13

Lapas aijo' Tumpu notataemo hi Yerusalem, “O Yerusalem! Tampat nu beleyum lebe matangkas molingkudui bangka'nyo-bangka'nyo anu atina' mompaha ohani beleyum. Beleyum sumomo ahi' puge'nyo nu batu anu matunjo ipadang tampat anu mahata, panyo Ku ewamo na beleyum. Beleyum notataemo kooyum madi' ko samian pe'e na anu moko ala montumbuhi beleyum kabai mohobo'akon benteng-benteng nu belemiu,

MIKHA 4:2

aha iwi-iwi' motataemo, “Imbo' da kita mamba mindako mokiita' i puge'nyo nu Tumpu i Laigan nu Tumpu Israel! Ia nompogulu'mo hi kita apaa na anu tionyo ahi' obaunto. Kita mombatukimo pangajalan-Nyo kalana pangajalan nu Tumpu lengkat mae i Yerusalem; kiita mae i Sion Ia notataemo hi mian-Nyo anu palesayamo.”

ROMA 9:33

Mongkona batu aijo', i Kitab nu Tumpu tinulis sumo uuka, “O intomakon na aiya: I Sion pinotimpas-Kumo sambatu na batu anu monsaduakon mian tosumpun; aijo'mo sambatu na batu daka' anu monsaduakon mian motua'. Panyo mian anu palesaya hi Ia madi' mompele-pele'.”

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

ANU PINOTO'I HI YOHANES 14:1

Lapas aijo' aku nontoamo, Anak nu Domba aijo' tinjo-tinjo aita' i Bungkutnyo nu Sion. Tiba Ia, daagi' mule' ko 144.000 na mian ka' i siakan nu aha toto samian bubu' tinulis na sanggo-Nyo ka' sanggo nu Tuuma-Nyo.