2 SAMUEL 5:13 - KITAB NU TUMPU ALLA LELE MA'IMAI'

¹³ Salatan i Daud nolalinmo lengkat i Hebron nambamo i Yerusalem, ia nongosoai mule' to lalangkoyang pa' aha sangkuka, ka' nongala mule' pa' aha sangkuka na to lalangkoyang binau ambahue'nyo; sahingga nintuangmo na to ana-anaknyo mo'ane ka' boune.

2 SAMUEL 5:13 ပူးပေါင်းရင်းမြစ်များ

2 SAMUEL 12:2

Mian anu kaya aijo' manjoo' hondo na potuu'onnyo,

2 SAMUEL 5:12

Kalana aijo' lebemo hondo sinumbu' i Daud taalu' totu-totu'umo ahi' na ia ihangkatmo nu Tumpu binaumo tomundo' hi aha Israel, ka' nompohosonmo kalaja'annyo da bau kapentingan nu mian anu pinalesayamo hi Tumpu.

1 TOMU-TOMUNDO' 11:3

Aha 700 na to lalangkoyan anak nu mian daka' na ingosoan i Salomo ka' daagi' mule' ko ambahue'nyo aha 300 na boune. Boune haha aijo' na nonsaduakon i Salomo nohikumo Tumpu Allah,

1 TAWARIKH 3:1

To ana-anak mo'ane i tomundo' Daud i hampe i Hebron, tatu-tatusannyo nu umun nu aha aijo'mo: i Amnon – Sanggo nu tinanyo i Ahinoam mian nu Yizreel i Daniel – Sanggo nu tinanyo i Abigael mian nu Karmeel i Absalom – Sanggo nu tinanyo i Maakha anak boune i Talmai, tomundo' nu Gesur i Adonia – Sanggo nu tinanyo i Hagit i Sefaca – Sanggo nu tinanyo i Abital i Yitream – Sanggo nu tinanyo i Egla.

1 TAWARIKH 3:9

Ka' daagi' nule' ko anak i Daud anu to momo'ane hi ambahue'nyo sangga'at. Ia suele kino anak boune samian sanggonyo i Tamar.

2 TAWARIKH 13:21

Panyo mule', i Abia nompaka daka'mo na kakuasa'annyo. Ia ko bengkele' aha 14 na konjoo'nyo, 22 na anaknyo anu to momo'ane ka' aha 16 na to boboune.

PO'ULE' INGULIT 17:17

Tomundo madi' timbali manjoo' na bengkele'nyo, da ia madi' mohiku Tumpu. Ia suele madi' timbali bala'usaha da kaya na posi butongnyo nu salaka tiba mosoni'.

1 SAMUEL 25:43

Padahan i Daud polo-polo'mo ko bengkele'nyo i Ahinoam anu lengkat mae i Yizreel, ka' uuka mule' i Abigail suele binaumo bengkele'nyo.