2 SAMUEL 4:9 - KITAB NU TUMPU ALLA LELE MA'IMAI'

⁹ Panyo tinaaman i Daud, “Tumpu anu tumuu' anu nomposalamatmo aku, da madi' nohumpak kasilaka'an, na monsumbu' apaa na anu ku taloakon aiya memang totu'u.

2 SAMUEL 4:9 ပူးပေါင်းရင်းမြစ်များ

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

1 TOMU-TOMUNDO' 1:29

Lantas notataemo na i Tomundo' hi ia, “Memang aku nojanji'mo hi beleyum, i uno nu sanggo nu Tumpu Allah nu Israel, tukoongku i Salomo anak nu beleyum momo'ane na momobolosakon aku bau tomundo', jadi uuka aiya aku balajanji' hi beleyum i uno nu sanggo nu Tumpu anu tumuu', anu nolapasakon aku i kasansala'anku iwi-iwi', sinaa uuka aiya ku baumo apaa na anu jinanji'kumo hi beleyum.”

MAZMUR 103:4

ia na anu nompobebasmo nyawa nu beleyum da nosabatmo mae i uno nu kubulan, anu talalomo hondo nongkalibosi beleyum ka' nongkanonongimo hondo beleyum.

MAZMUR 106:10

Tiba jalan anu susumo aijo', Ia nomposalamatmo aha da madi' pinatean nu mian anu mongewa aha, pinobebas-Nyomo na aha da madi'mo kinuasan nu mian anu monsampobali'.

MAZMUR 107:2

Saja' opo uli-ulit na montaloakon aijo', o belemiu anu nongoa'imo kasusa'an panyo pinosalamatmo.

MAZMUR 34:17

Panyo mian anu mombau palabuatan anu ma'idek na Nu ka'ideki ahi'; de aha silakamo, aha sampa okolilimi.

MAZMUR 34:22

Mian anu ma'idek na palabuatannyo silaka kalana palabuatannyo ma'i-ma'idek mian anu mongka'ideki mian anu balaiman hondo mohumpak hukuman.

MAZMUR 69:18

Boli maninsuluk dumo aku posaihon nu Belento aiya madi'mo montoa, kalana aku tinokanmo nu kasusa'an, sampamo mae tulungi na aku.

MAZMUR 71:23

Aku nontaligalai kalana sinanangmo hondo na kinyonyoa, ka' nonyanyiakonmo bau pompuji' Belento. Santuu'ku ka' butongku manyanyi lame'mo hondo, kalana Belento nomposalamatmo mae aku.

1 SAMUEL 26:24

Jadi susuma belento Tomundo' ihalala' akonkumo tumuu' sinaa aiya, sumo aitu mule' de timbali da nu jagai mae nu Tumpu na aku ka' mule' mompopalia mae iwi-iwi' na balaa'!”