2 SAMUEL 4:6 - KITAB NU TUMPU ALLA LELE MA'IMAI'

⁶ Boune anu lewa' opoka-pokau i laigan tempo'nyo aitu hau-haunyo mompile'i gandum natatundu'mo ka' kinahoyotanmo. Kalana aijo' i Rekhab tiba i Baana noko ala nonjolo ninsoop.

2 SAMUEL 4:6 ပူးပေါင်းရင်းမြစ်များ

2 SAMUEL 2:23

Salatan i Asael madi' ahi' tinolo tinjo panyo sabole-bole ahi' nololoi' binunu'akonmo i Abner na talombo'nyo no kaiyong ka' kinonamo i kompong i Asael sahingga talombo' aijo' ilampasan tinoka-toka ihikunyo. I Asael tinombahangkangmo ka' sinilakamo itampat aijo'. Iwi-iwi' na mian salatan tinokamo itampat kinatombahangkangannyo madi'mo nololoi'.

2 SAMUEL 20:10

Madi' tinoa i Amasa na bajak aijo' i kewe' i Yoab. Monti-montiik jinalo'mo i Yoab na kompong i Amasa nu bajaknyo, sahingga isi nu kompongnyo nobubusmo i tano'. Ia balomo i nate tempo'nyo aijo' sahingga i Yoab madi'mo po ule' nonjalo'. Lantas i Yoab tiba i Abisai utusnyo ise' sabole-bolemo nololoi' i Seba.

2 SAMUEL 3:27

Salatan i Abner tinokamo kiijo' i Hebron koko sabatan daka' nu kota' sinalo'anmo i Yoab na ia da mo uuka mae i sohipi'nyo au'aitu daagi ko lahasia anu opohowini. Monti-montiik jinalo'mo i Yoab na kompong i Abner sahingga ia sinilakamo. Sumo aijo' na i Abner pinatean i Yoab bau pinombalosakonnyo utusnyo ise' i Asael anu pipinatean i Abner.

TO MIA-MIAN KOPIAN 3:26

Hau-haunyo aha daagi' nontoa, i Ehud nalaimo namba i Seira notulu i batu haha aijo' anu ko botiknyo.