2 SAMUEL 4:12 - KITAB NU TUMPU ALLA LELE MA'IMAI'

¹² Lapas aijo' nompalentahmo to sulu-suludadunyo na i Daud da mompateimo i Rekhab tiba i Baana. Pinoko patean nuaha, limanyo tiba tengkenyo nu aha kinolongakonmo nu aha ka' sinegot 'mo koko kolam. Panyo ubak i Isyboset ingala ka' ilamun ikota' aijo' suele i uno nu pinolamunan i Abner.

2 SAMUEL 4:12 ပူးပေါင်းရင်းမြစ်များ

2 SAMUEL 1:15

Lantas ilaganyomo na suludadunyo samian ka' pinalentahnyo, “Pateimo na ia!” Mian aijo' nonjalo'mo olitau nu aha mian Amalek aijo' sampe ia sinilaka.

2 SAMUEL 16:8

Kalaja'an i Saul ingagoanmo nu beleyum. Uuka aiya nu hukumo nu Tumpu na beleyum, kalana lewa'mo nompatei sampoto utusan mae i Saul manjoo' hondo. Kalaja'an nu beleyum nu bee'mo nu Tumpu hi Absalom anak nu beleyum. Uuka aiya nompahabindak na beleyum anu lewa'mo nompatei!”

2 SAMUEL 2:8

Talenga' nu suludadu i Saul anu mongkapalai suludadu iwi-iwi' aijo'mo i Abner anak i Ner, nopalaimo tiba i Isyboset anak i Saul, nambamo i Mahanaim i santoa nu Kaunyo Yordan.

2 SAMUEL 21:9

Aha binee'mo hi aha mian nu Gibeon lantas aha popi-popitu' aijo' sinilakamo hingga-hinggat sinegot ka' pinokalayo'mo aita i bungkutnyo hi ahop nu Tumpu. Hukuman mate aijo' binee' hi aha tempo'nyo lapasmo na kau' nimbuhak, ka' tempo'nyo aitu pangalapanmo bua'nyo nu jalai.

2 SAMUEL 3:32

I Abner ilamunmo kiijo' i Hebron, ka' i tomundo' tiba iwi-iwi' na mian anu nu palentah nohaangimo ka' nontando'imo i ahop nu pinolamunan.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

MATIUS 7:2

Kalana sumo komiu mompisala'i mian sangga'at, sumo aitu mule' na Tumpu mompisala'i komiu. Ka' sukat anu o pake miu hi mian sangga'at, tionyo o pake suele nu Tumpu hi komiu.