2 SAMUEL 3:25 - KITAB NU TUMPU ALLA LELE MA'IMAI'

²⁵ Au' toaje Tomundo' na i Abner aijo' tinoka mae ola da mongakali belento Tomundo' ka' ola kahanda' montoa pa'mosia na kita aiya ka' da nu sumbu' na tanga'an nu belento Tomundo.”

2 SAMUEL 3:25 ပူးပေါင်းရင်းမြစ်များ

KAJADIAN 42:12

I Yusuf notatae hi aha, “Madi' totu'u! Belemiu toka mae mondoyoni iya na tampat i lipu' aiya anu opoko ala opinsoopi miu.”

KAJADIAN 42:16

Samian atina' hi belemiu tionyo mamba mongala ia. Sangga'at madi' opobee' mamba sampe ko bukuti'nyoje na potatae miu. De madi', tiba sanggo nu tomundo, nyata'mo belemiu aiya to koka-kokap nu sampobali'!”

KAJADIAN 42:9

Lantas ia tinonginau'mo i ipionnyo mongkona aha. Ka' notataemo na ia, “Belemiu aiya to koka-kokap; komiu aiya toka mae mondoyoni iya na tampat i lipu' mami aiya anu opoko ala opinsoopi miu.”

2 SAMUEL 10:3

Salatan aha tinokamo i Amon aha to pola-polaya' nu lipu' aijo' notataemo hi Tomundo' Hanun, “Boli belento Tomundo' bapikin i Daud nonsaimo mae mian haha aijo' kalana ia kahanda' moholomati tuuma nu belento Tomundo'! Ia nonsai mae mian haha aijo' ola salaku mian anu mamba mae mondoyoni kota' aiya da timbali nupoko ala nupatundu' nu aha.”

2 SAMUEL 3:24

Lantas i Yoab nambamo nangadap hi tomundo' ka' nompoto'i, “Mosia na belento Tomundo' ka' nombaumo anu sumo aijo'? I Abner tinokamo mae nangadap hi belento Tomundo'. Kadaka' belento Tomundo' nompobee'mo ia namba?

2 SAMUEL 3:26

Salatan i Yoab nompala'imo i Daud, i Yoab nonsaimo mian da mamba molaga mae i Abner. Aha nonsusuakonmo i Abner lantas sinampamo nu aha koko bubung Sira. Lantas pinoboamo mae nu aha. Iwi-iwi' apaa na anu jinadimo aijo' madi' sinumbu' i Daud.

2 SAMUEL 3:27

Salatan i Abner tinokamo kiijo' i Hebron koko sabatan daka' nu kota' sinalo'anmo i Yoab na ia da mo uuka mae i sohipi'nyo au'aitu daagi ko lahasia anu opohowini. Monti-montiik jinalo'mo i Yoab na kompong i Abner sahingga ia sinilakamo. Sumo aijo' na i Abner pinatean i Yoab bau pinombalosakonnyo utusnyo ise' i Asael anu pipinatean i Abner.

2 TOMU-TOMUNDO' 18:32

Sampe tokaje na tempo'nyo belemiu ku boaje i lipu' sangga'at anu momoho' pokakana susumo lipu' nu belemiu. I kiijo' mae ko ale' nu anggur anu pongalapan miu bua'nyo, ka' ale' nu gandum anu timbali obau labu ka' okaan nu belemiu. I lipu' aijo' manjoo' na kau' Zaitun, lanya' nu zaitun ka' juu' nu uani'. De belemiu montuluti apaa na anu ku poto'i hi belemiu, belemiu tumuu', ka' madi' silaka. Boli mohongo-hongo i Hizkia! Ia ola mongakali belemiu nu potataenyo, tukoonyo Tumpu na momposalamat belemiu.

MAZMUR 121:8

Ia na monjagai beleyum, de beleyum toka mae ka' mambamo, uuka aiya ka' sampe toka sidu-sidutu'.

YESAYA 37:28

Panyo Kusumbu' iwi-iwi' na ka ada'an nu butong nu belemiu. Kusumbu' apaa na anu binaumo nu belemiu ka mule' pa' moya na kalambanan nu belemiu. Ka' mule' Kusumbu' na beleyum pinusamo hondo hi beleng-Ku,

NOMBILANGMO 27:17

samian anu moko ala timbali bau talenga' de aha mahampate. Boli opojohok na mian nu belento aiya sumomo sanggombu na domba anu madi'mo ko polaya'nyo.”

YOHANES 7:12

Da'isan na mian lewa'mo mongoyongakon Ia. Daagi' ko anu motatae, “Ia mian ma'ima'.” Daagi' mule' ko anu motatae, “Madi'! Ia monsaduakon pikilan nu mian da'isan timbali ponga'.”

YOHANES 7:47

“Pa' komiu suele pinotimbali-Nyomo ponga'?” koonyo nu to mia-mian nu Farisi aijo'.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

PO'ULE' INGULIT 28:6

Obalakatimo iwi-iwi' apaa na anu obau nu belemiu.