2 SAMUEL 3:21 - KITAB NU TUMPU ALLA LELE MA'IMAI'

²¹ Lapas aijo' pinoitamo i Abner de timbali da motatae pe'e, “Pobee' mae na aku de timbali da mamba monsale'i aha songko-songko mian Israel da mosa'angu'mo tiba belento Tuanku. Da belento Tuanku nu alamo nu aha bau tomundo' nu aha, sahingga tiba jalan anu sumo aijo' belentomo Tuanku na mompalentah songko-songko na lipu', susumo anu nu kahanda'i nu belento Tuanku.” Lantas i Abner pinobee'mo i Daud namba ka' ingusahakan ahi' i Daud da boli ko anu mompoposia mae ia.

2 SAMUEL 3:21 ပူးပေါင်းရင်းမြစ်များ

2 SAMUEL 2:9

I kiijo' mae i Isyboset i hangkatmo i Abner binau tomundo' da mompalentah da'erah-da'erah Gilead, Asyuri, Yizreel, Efraim, tiba Benyamin, ka' mule' songko-songko na Israel.

2 SAMUEL 3:12

Lantas i Abner nonsaimo mian namba hi Daud anu tempo'nyo aitu kiijo' i Hebron nomboa potuunon, “Ihe na anu mongkuasai tano' aiya? Mombau me palajanjian tiba aku da ku tulungi na belento Tuanku da songko-songko na bansa Israel monsangaja'imo belento Tuanku!”

2 SAMUEL 3:20

Tempo'nyo i Abner tiba aha uampulu' na suludadunyo nangadap hi Daud kiijo' mae i Hebron, i Daud nombaumo bau-bauon nompokaan aha.

2 SAMUEL 5:3

I Daud nombaumo palajanjian tiba to pola-polaya' nu aha mian Israel haha aijo', lantas ihangkatmo nu aha na ia binaumo tomundo' nu Israel.

1 TOMU-TOMUNDO' 11:37

Ka' beleyum Yerobeam Ku baumo tomundo' nu Israel ka' mule' Ku pobee'mo mompalentah songko-songko na da'erah iya na anu nu kahanda'i.

MAZMUR 20:4

O'amalakon da iwi-iwi' na anu sinombahkonmo nu beleyum nu inau' mae, ka' sanang na Ia i koloban nu beleyum iwi-iwi' anu opotunu.

FILIPI 2:21

Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus.