2 SAMUEL 24:3 - KITAB NU TUMPU ALLA LELE MA'IMAI'

³ Panyo' i Yoab notatae hi Tomundo' “O' amalakon da Tumpu Allah nu belento Tomundo' mompaka tuangimo mian nu Israel sahingga konjoo'nyo nu aha tempo' uuka pinsa'atumo lipat ka' o' amalakon da belento Tomundo' boli pe'e silaka da otoa pe'e. Panyo' apaa na gunanyo belento Tomundo' mongkahanda'i molekeng sumo aijo'?”

2 SAMUEL 24:3 ပူးပေါင်းရင်းမြစ်များ

2 SAMUEL 10:12

Pohoson na kinyonyoa ima-ima'! Imbo' babaani mae na kita mahampate montinjohakon bansanto tiba to kota-kota' nu Tumpu Allah. O'amalakon da Tumpu mombaumo apa-apaa na anu nu kahanda'i.”

2 SAMUEL 24:4

Panyo' i Tomundo' sabole-bole ahi' mongkakeha'akon palentanyo aijo'. Jadi i Yoab tiba to sulu-suludadunyo anu matangkas na pangkatnyo nambamo nolekeng bansa Israel iyaya mae.

MAZMUR 115:14

O' amalakon da Tumpu mombalakati mohumpak manjoo' na anak, hi belemiu ka' hi lee' nu belemiu.

AMSAL 14:28

Anu mohangkat sanggo itomundo' talasanggo kalan layatnyo da'isan; panyo de madi' ko layatnyo ia madi' moko ala balakuasa.

YESAYA 60:5

Belemiu nontoa aijo', bangangmo ka' ohup nu beleyum lame'mo; beleyum sanangmo na kinyonyoa bilahimo. Halata' nu to bansa-bansa oboamo hi belemiu, kakaya'an anu lengkat mae i santoa nu ambai manjoo'mo atina' hi belemiu.

PO'ULE' INGULIT 1:11

O Amalakon da Tumpu Allah nu mompole' miu sabole-bole montuangi konjo'nyo nu belemiu, samadala na lipatannyo ka mompotimbali komiu bansa anu sanang sumo anu jinanji'nyomo.