2 SAMUEL 24:15 - KITAB NU TUMPU ALLA LELE MA'IMAI'

¹⁵ Sahingga Tumpu nompotokamo mae panyakit anu molele hi aha mian nu Israel lengkat pe'e daagi' subu sangkut tinoka i tempo' anu tinantukan-Nyomo. Songko-songko na Israel aha 70.000 na mian anu silaka.

2 SAMUEL 24:15 ပူးပေါင်းရင်းမြစ်များ

2 SAMUEL 24:2

Lantas pinoto'imo i Daud hi Yoab talenga' nu suludadunyo, “Lako tiba to sulu-suludadu nu beleyum anu matangkas na pangkatnyo hi iwi-iwi' na tulunan nu bansa Israel i songko-songko na lipu' ka' olekeng na mian da ku sumbu' na konjoo'nyo nu aha.”

1 TAWARIKH 21:14

Tumpu nontokakon balaah panyakit hi mian nu Israel, sahingga 70.000 na mian sinilaka.

1 TAWARIKH 27:24

I Yoab anak i Zeruya nontampu'unimo nombilang, panyo madi' pinomingkotnyo, kalana Tumpu Allah nohukumo mian nu Israel sinaduakon nu nombilang aijo'. Kalana aijo' konjoo'nyo nu aha madi' tinulis i uno nu kitab i Tomundo' Daud.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

NOMBILANGMO 25:9

Panyo tempo'nyo aitu anu i natemo 24.000 mo na mian.

MATIUS 24:7

Bansa sa'angu' mahampate mongewa bansa sangga'at, ka' negara sa'angu' montumbuhi negara sa'angga'at. Iyayamae timbalimo na kapo'ohopan ka' luulu'.

ANU PINOTO'I HI YOHANES 6:8

Aku nontoa, lantas nondinmo sa'angu' na ajahan anu me'es. Anu nonsake'i sanggonyo Kapatean. Aitu mae i hikunyo, batu-batuk, ka' ohani hondo na Dunia Kapatean. Dunia aiya o bagi opat sambagian na obee' hi aha da nukuasai nu aha, da nupatei nu aha i uno nu pahampatean, kasusa'an i anu o kaan, panyakit anu molele, ka' nukaan nu to bina-binatang anu bahangihi'.

1 SAMUEL 6:19

Panyo kalana aha mian nu Bet-Semes haha aijo' nontoamo apaa na anu i unonu Peti' Palajanjian nu Tumpu, aha pitumpulu' na mian pinateanmo nu Tumpu. Sahingga mian da'isan nohangimo ka' sinusa'mo kalana Tumpu nompotokamo hi aha balaa' anu daka' hondo aijo'.